Nuclear Laknak A Majaw Dingdung Korea Sut Hpaga Htum Na Lam Trump Tsun

0
21

2019 ning February shata 3 ya shani hta, U.S. Gumsan magam Donald Trump hku nna, Mungdan lahkawng a myit hkrum lam a majaw Dingdung Korea Mungdan hta htoi tu mai kaja ai sut masa shawng lam nga wa na, raitim lama nna Shingla Ja ai ( Nuclear ) laknak nga taw jang, shawng lam sut mala lam hta myit mada shara n nga na lam hpe tsun shaga ai hpe chye lu ai.

Lahkawng lang ngu na Trump – Kim chyawm tari zuphpawng hpe Vietnam mungdan hta galaw wa ai shaloi, Nuclear laknak dawm na shadang hte pat shingdang da ai sut hpaga lam dawm na hte seng nna myit hkrum ai lam n lu la ai sha, masat da ai aten hta yawm nna zuphpawng ngut mat wa sai.

Raitim, Trump hku nna gaw Mungdan lahakwng a kanawn mazum ai lam gaw, “ grai ngang kang “ taw ai ngu tsun wa sai.

Dingdung Korea hte American mungdan yan gaw, matut nna hkrum shaga mayu ai lam ni nga tim, galoi hkrum na aten hpe gaw hkrak tup tsun ai lam n nga shi ai.

Ndai lang lang na chyawm tari zuphpawng hten mat wa ai lam gaw, sawk sagawn ai ni maram yu ai hta, Kim hta Nucler laknak 20 kawn 60 lapran nga nna, U.S. mungdan du hkra mai gap ai pila pyen laknak ni nga taw ai hte seng ai ngu nna chye lu ai.

REF: The Star, Aljazeera
Ja Tawng Naw

LEAVE A REPLY

Please enter your comment!
Please enter your name here