N’tara Ai Hpe Ninghkap Na Jin Jin Rai Nga Sai Wunpawng Myu Sha Ni

2018 Dec 11 ya jahpawt 9:00 am ten hta, Hpyen majaa a majaw nam malaing kata kaw  pat rawng nga ai hpyen yen ni lawt pru wa na lam hta shakut shaja ai Sara/num marai 3 hpe n tara ai hku ari jaw da ai hpe lawan dat ya na matu Myitkyina mare Shatapru Manau wang kaw akyu hpyi la nna mung shawa 5000 jan, shawa n-gun madun lam hkawm lamang galaw ai lam chye lu ai.

N tara ai hku htawng jahkrat hkrum ai Sara Zau Jat, Sara Lum Zawng, Saranum Nang Pu ni  hpe tara jeyang ai shaloi, tsaw dik htum hku nna gumhrpaw dam hte htawng dam jahkrat ai gaw Wunpawng myu sha ni hta, mung masa lam woi awn shamu shamawt na, ramma ningbaw ni n’pru wa gwi hkra jahkrit ai ladat hku ari jawt dat ai lachyum hku ang wa ai.

Kade daram jahkrit ai lam mi galaw tim, Wunpawng myu sha ni gaw n’tara ai hku amyu sha ni n’tsa hta galaw ai hpe nhkam ai hte lam n’tsa bai pru wa ai hpe yu jang, mung masa grau su hprang wa ai  hte, n’tara ai hpe ninghkap na jin jin re ai hpe mu lu nga sai.

REF: Shawng lam Shi Sawk

Ja Tawng Naw

Leave a Reply

Your email address will not be published. Required fields are marked *