N’tara Ai Ari Jahkrat Ai Hte Seng N’na Hpang Jahtum Shiga

0
90

Majan kata hta pat rawng nga ai hpyen yen ni lawt na matu, Myitkyina hta ramma ni hpe woi awn let, shawa ninghkap ngun madun ai hte seng nna, woi awn ai ningbaw 3 yan hpe  Dec 7, ya hta n’tara ai hku ari jahkrat ngut ai hpang ahkyak ai lam ni matut byin wa ai hpe tang  madun dat ai.

1) Ninghkap Shawa N’gun Madun na Lam
Ntara ai hku dawdan ari jahkrat dat ai lam hpe ninghkap shawa n’gun madun ai lamang kaba hpe, du wa na December praw 11 ya sha ni galaw sa wa na re majaw, Myitkyina muklum hte ninawn ai buga na hkungga ai Wunpawng myu sha ni yawng hpe saw lajin dat ai.

Ninghkap ai lamang hpe galaw na shara gaw, Shatapru Manau wang hta jahpawt hkying 08:00 kaw zup nna, n’tara ai hpe ninghkap ai lamang kaba hpe galaw sa mat wa na re.

2) Hpyen Yen Ni lawt na matu Woi awn ai Ningbaw masum hpe lawan bai dat ya na matu NGOs hte wuhpung wuhpawng 300 jan hpyi shawn

Equality Myanmar hte Ahtan mying ai NGO wuhpung ni woi awn let, tara rung kaw nna, tara jahkrat da ai lam hpe bai dawm ya na matu Wuhpung wuhpawng 300 jang myit hkrum ta masat htu nna seng ang ai Asuya de hpyi shawn da ai lam hpe chye lu ai.

 

Dai sha n’ga, mungkan madang re ai, Amnesty International I, EU Commission, USA Embassy, Swedish Embassy ni lawm let, tara rung ai dawdan tara jahkrat ai hpe bai myit na matu shadum ai lam ni galaw ai hpe chye lu ai.

3) Kachin Democratic Party Ni Gawan Gasan Galaw
2018 ning Dec shata 9 ya sha ni hta, N’tara ai hku nna, tara dara hkrum ai, woi awn ningbaw masum yan a dinghku ni hta na, Saranum Nang Pu a Kawa, Sara Lum Zawng a kanu hte Sara Zau Jat a madun jan ni hpang de Jinghpaw mung masa parti ni pawng hpaw da ai kachin Democratic Party a ningbaw ningla ni sa du gawan n’gun jaw ai lam shiga na lu ai.

  

REF: Shawng Lam Shi Sawk, BBC

Ja Tawng Naw

LEAVE A REPLY

Please enter your comment!
Please enter your name here