November 2- 10 Laman Na Mung Masa / Hpyen Masa Shiga Kadun

2 Nov 2018

■ Nov praw 2 ya jahpawt  6:50 AM ten hta, Tarmoenye ninghtawn, kawngnin mare hta   Balawng hte Kokang pawng  hpung hte   Myen hpyen dapnu 11  hte gap hkat ai shaloi, Myen hpyen ni marai 3 si nna marai 2 hkala ai lam shiga lu la ai.

3 Nov 2018

■ Myitkyina  rapdaw amat ra lata poi hta, Kachin Democratic Party ( KDP ) ni  a gawng malai Slg Gumhkawng Aung Hkam hku nna shang shing jawng wa sai, ra lata poi hta, USDP parti na U Si Hu Dwe dang mat sai. Ndai ra lata poi hta, myen hpyen dap na tau hkrau jaw ai mae 3000 jan gaw USDP de jaw ai hpe mung chye lu ai.

4 Nov 2018

■ Jahpawt hkying 8 ten hta,  Namseng kaw dung ai Myen dap nu 33, Hka-la-ya 42 hpyen du Kyaw Swar Tun woi awn ai n’gun 30 daram gaw Kamai lam maga de  Dungfung mawdaw kaw hkan jawn nna Manden mare  KBC nawku jawng kaw hkring sa ai ngu shiga na lu ai. shana daw 7:30 daram hta gaw, Hka San lam maga de lung mat wa sai.

■ Nam San kaw myen hpye ni rim mat wa ai, marai 15 hpe bai woi la lu sai.

5 Nov 2018

■ Jinghpaw mung hte Miwa mung jarik mayan kaw miwa hpyen helicopter ni hpyen shaman ai.

6 Nov 2018

■ Hpakant lam hte Lido lam maga de Myen hpyen ni grai bai htu lung wa ai shiga lu la ai.

7 Nov 2018

■ Jahpawt manap kaw nna Nampan bum jarit mayan hta Miwa  Sinpraw  Marine hpung ni shara jahkrat ai lam chye lu ai.

8 Nov 2018

■ 2 lang na Wunpawng a myu sha lam masan bawngban zuhpawng hpe myu sha ningbaw kaba ni 8 ya shani kaw nna 13 ya laman galaw nga ai.

10  Nov 2018

■UN security council  kaw Rahkai mang hkang hte seng ai  hpe du wa na Nov 15 shani hta dawn dan sana hpe chye lu ai.

Ja Tawng Naw

Leave a Reply

Your email address will not be published. Required fields are marked *