New Zealand Moslim Nawku Htingnu Lahkawng Gasat Hkrum, Marai 49 Si Hkala

0
51

2019 ning March shata 15 ya shani hta New Zealand mungdan Christchurch muklum, Moslim Nawku htingnu lahkawng hta gap hkat ai lam byin ai majaw, nawku sa ai shawa kaw nna marai 49 si hkala hkrum nna, marai 20 jan gaw garai sawng ai hku nna hkala nba hkrum ai lam hpe chye lu ai.

Gasat ai lam hte seng nna, La 3 hte num 1 hpe rim da nna, la langai gaw Australia mungdan Grafton mare na Brenton Tarrant ngu ai wa rai nna, Mungdan kata bu htawt shang wa ai masha ni hpe n ra sharawng ai masha ni rai ai hpe chye lu ai.

Masha tsa lam hku nna nawku htingnu hta du nga shaloi, shang gasat ai hpe chye lu ai, gasat ai wa langai hku nna, shi a baw hta Camera shakap da nna, gap sat ai lam hpe Facebook ganghkau hta ading tawk madun ai hpe mu lu ai, bu htawt shang wa ai masha ni hpe ganawng shang wa ai ni ngu nna ndau tsun shana ngut ai hpang, Facebook hta gasat ai hpe ading tawk madun wa sai. Laduk lasing re ai gasat ai lam re ai majaw, Facebook kaw nna kade nna jang, pat kau ya sai.

Gasat ai lam hta, Moslim nawku htingnu langai kaw sha, marai 41 si hkala hkrum nna, hkala hkrum ai marai 48 hpe tsi lajang ya ai shaloi ma kaji ni du hkra lawm wa sai.

New Zealand hkringmang Daju Jacinda Ardern hku nna gaw, “ ya lu tsun ai daram nga jang, anhte mungdan a labau hta sin mak dik htum ai n’htoi langai rai sai, dai sha n’ga ndai gasat ai lam gaw, atsawm lajang da ai dawsa ai gasat ladat re“ ngu nna tsun shaga wa sai hpe chye lu ai.

REF: Aljazeera, VOA
Ja Tawng Naw

LEAVE A REPLY

Please enter your comment!
Please enter your name here