NCA Ta Masat Htu Da Sai Wuhpung Ni Ningmu Lahkawng Shai Wa Nga

0
25

NCA ta masat htu da sai rawt malan hpung 10 a chyawm tari zuphpawng hpe 2019 ning May shata 15 ya shani hta Thai mungdan Chaing Mai mare hta matut galaw nga ai hta, NCA hte seng nna ra ai lam ni hpe sharai shading n’na tsang hte tsang sa wa na hte seng nna bawngban ai hta, shada myit n hkrum ai lam ni byin ai hpe chye lu ai.

NCA ta masat htu sai hta N’gun kaba dik htum KNU ningbaw ni

NCA magam bungli hkring nga ai hte seng nna, KNU hte RCSS ni hku nna NCA hta lami lamang 4 bai jat bang n’na Asuya hte myit hkrum ga sadi ( DOC ) la nna, NCA hpe matut sa na matu zuphpawng hta tang madun wa sai.

NCA ta masat htu dai sai hta No 2 n’gun kaba ai RCSS ningbaw ni

Dai lam hte seng nna, ngam nga ai wuhpung 8 hta myit n hkrum ai hte ningmu n bung ai hku byin nga ai. ALP Rahkaing shanglawt parti a dat kasa Daw Saw Mya Yar Zar Lynn hku n’na gaw, “ NCA hta numdaw num dan byin nga ai lam ni hpe, lak san bawng ban jahkrum ai lam hte lajang mayu ai, ngut jang tara shang zuphpawng hku sha bai sa mayu ai, ya sa nga ai NCA masa lam hku sha kaja ai, lahkawng shada myit hkrum ga sadi la ai DOC hte nga jang grau n’na yak na kun ,” ngu shi a ningmu hpe tsun wa sai.

NCA Ta masat htu da sai ningbaw hte dat kasa ni

NCA hta gram lajang jat bang mayu ai lam 4 hte seng n’na KNU amu madu Padoh Saw Tar Doh Mu tsun jahpra dan ai lam ni gaw:
● NCA hpe ngang grin na matu ra ai masa lam ni jat bang na,
● Federal mungdan de du na matu, ninggang masum lawm ai Foundation ningpawt hkridun jasat tawn na, ngu ai lam ni re.

NCA hta gram lajang jat bang ra ai lam ni hpe, KNU hte RCSS ni woi lajang da ai hpe, 2019 ning April shata 11 ya shani Naypyidaw hta NRPC hte KNU ni bawng ban hpawng galaw ai hta, Asuya hpe jaw da sai. Dai lam hpe, ndai lang na zuphpawng hta, laga ta masat htu da ai, wuhpung ni myit hkrum na matu bawngban nga ai hpe chye lu ai.

KNPP hte KIO dat kasa ni

Ndai zuphpawng hta, KNPP hte KIO a dat kasa nkau mi hku nna, masam maram yu ai hku nna shang lawm nga ai hpe chye lu ai.

REF: Shawng lawm shi sawk, NCA-S EAO
Ja Tawng Naw

LEAVE A REPLY

Please enter your comment!
Please enter your name here