NCA, PPST Hpung Kawn KNU Pru Na Hpe Grai N Daw Dan

0
168

2019 ning May shata 13 ya kaw nna 18 ya lapran hta 4 lang ngu na NCA ta masat htu da sai, wuhpung ni a chyawm tari zuphpawng hpe Chaing Mai mare hta galaw wa sai shaloi, KNU hku nna PPST ( Peace Process Steering Team ) kawn pru na matu laika tang shawn da ai hpe, ningbaw ni hku n’na ahkang n jaw ai sha, du wa na zuphpawng hta daw dan na matu myit hkrum da sai. Du wa na 5 lang na zuphpawng hpe shata 2 laman bai galaw na hpe chye lu ai.

4 Lang na Chyawm tari zuphpawng hta, KNU hte RCSS ni hku nna PPST ( Peace Process Steering Team ) kawn PPCM ( Peace Process Consultative Mission ) ngu ai mying de galai na tang madun bawngban wa ai shaloi, malawm hpung ni hta myit n hkrum ai lam ni byin wa sai.

PPST lam hte, mung masa bawngban hpawng ni hta, Asuya hte simsa lam ni hte seng n’na grau tang du hkra bawngban lu na hpe kam ni wuhpung ni nga ai zaw, PPCM lam hku galai dat jang, simsa lam hte seng nna bawngban jahkrum wa ai shaloi, tang du hkra woi awn lu ai ningbaw ni shang lawm mai ai hpe sharawng ai wuhpung ni nga wa sai.

Ndai daw na KNU a labau hpe yu jang, shanhte tang madun ai lam hpe n hkap la ai majaw UNFC kawn garan pru mat wa sai, dai ni na ten hta UNFC mung zang ayai mat sai. Ndai lang PPST hta tang madun da ai shanhte a masing hpe n hkap la jang mung, garan pru na zawn shaga nga ai hpe chye lu ai, grau n’na gaw, shanhte a masing hpe NCA hta ta masat htu da sai ningbaw ni hpe grai n tang madun shi jang, Asuya a NRPC hpe tang madun da sai hpe mung chye lu ai.

REF: Shawng lam shi sawk, RFA
Ja Tawng Naw

LEAVE A REPLY

Please enter your comment!
Please enter your name here