NCA Hpe Ta Masat N Htu Na Lam UWSA Tsun

0
61

UWSA a 30 ning ladu hkrum lamang galaw ngut ai hpang, 2019 ning April shata 18 ya shani na UWSA a Ningtau ningbaw U Kyauk Kaw An hku nna shi laika sanglang hpawng hta, UWSP/UWSA Wa amyu sha rawt malan hpung ni hku nna NCA hta ta masat n htu na lam hte seng nna lawu na hte maren tsun shaga ai hpe chye lu ai.

“ NCA hte seng nna anhte hte Myen Asuya lapran, shara nkau mi hta ningmu shai ai lam ni nga ai. Nkau hpung ni na matu NCA htu na nga jang anhte ni hku nna ninghkap na lam n nga ai, raitim NCA ngu ai gaw shaning 30 ning lapran hta anhte hte Myen Asuya lapran hta majan gasat ai lam ni n nga ai, majan n nga ai majaw anhte ni NCA hta ta masat htu na matu ningmu shai ai lam nga wa sai,”

Matut nna NCA n htu na matu madung langai mi hpe matut nna tsun wa ai hta,

“ U Thein Sein Asuya gaw anthe hte ga sadi grin ai lam nga ai, anhte hpe Mung hpawm madang ga sadi la ngut, lek mat htu ngut sai nga jang, Mung masa bawngban lam hta ading tawk shang lawm mai sai, laga ga sadi laika ni n ra sai ngu ga sadi jaw ga wa sai, n dai hte seng nna anhte ni ya myit hta n tsen ai lam ni byin ai, Shawng na Asuya hte myit hkrum ga sadi jaw da ai hpe, hpang de na lung wa ai, Asuya hku nna masat masa n galaw ya ai nga jang, anhte ni hta nrup ntsen ai lam ni nga wa ai,” ngu tsun wa sai.

Dai majaw, Daw Awng San Suu Kyi hte Myen hpyen dap ni hku nna NCA htu na matu shadut nga timung FPNCC hpe woi awn ai Wa hpung ni hku nna gaw asan sha NCA nhtu ai sha Myen mung simsa lam hte seng nna laga masa hte shang lawm na matu lajang nga ai hpe chye lu ai.

REF: VOA, UWSA
Ja Tawng Naw

LEAVE A REPLY

Please enter your comment!
Please enter your name here