Myu Sha Kanu Jan Langai Myen Hpyen Ni Sat Kau

0
27

Sammung ginwang, Namsung mare hta na Slg (Nhkum Zau Tang hte Jan Lahpai Nan Bang) yan a kasha, Slg Ah Shau Tu Bu a ningrum ningtau, Hkawn Ja Mai, Lu Lu Din ni a chyinghkai kanu  Jan. Nhkum Nang Htang Asak 48 gaw  2019 ning July shata praw 3 ya shani, shi nga ai dum nta (Namsung Mare) hta sat kau hkrum ai lam hpe chye lu ai.

 Ndai Namsung mare gaw lai wa sai ten hta htinggaw 70 jan grup yin nga ai raitim majan laja lana byin ai ten kaw na mare masha ni yawng hpyen yen yen mat ma sai re. Ya gaw htinggaw 22 sha nga sai. Ya ten Namsung mare hta shara jahkrat let nga nga ai gaw Hka-la-ya 261 ni rai nna 2016, March shata kaw na nga hpang sai lam chye lu ai.

Nnga Mat ai kanu kana jan ai dum n’ta

Asak si hkrum sai kanu kana jan gaw nta hta shi hkrai nga ai let gat dut sha rai nna, ningrum ningtau wa hkam kaja lam n nga ai majaw, kasha ni jawng lung ai lam hta shi kanu hkrai gat seng kaji hpaw let htawk madi nga ai re.

 Kasha 2 rai nna Kutkai Ginwang ginwang Hupyet hta nga ai kawa di hte kanu tung ni hta nga let jawng lung nga ai re lam chye lu ai.


Sat hkrum ai kanu kana jan a ningma ni gaw, du hta manat hkang hkang ai, n-gup nhka ayai nga ai hte na pawt ni hta chyang taw ai lam chye lu ai.


Moi mang hpe Nampaka Buga ni kaw na sa htaw la let Nampaka tsi gawk hta madun, matut nna 10: 52 pm (4.7.2019) hta lashio de bai yu wa sai re.

REF: Nampaka mare hpung

Ja Tawng Naw

LEAVE A REPLY

Please enter your comment!
Please enter your name here