Myitkyina Htawng Hta Kasu Kabrawng Byin

0
137

Jinghpaw mungdaw Myikyina htawng hta 2019 ning May shata  9 ya jahpawt hkying 5 daram kawn, htawng hkrat masha ni  ginlam 4 lawm ai hpe, shawa n’gun madun n’na hpyi shawn ai lam galaw ai  hpe chye lu ai.

Bawng masha ni hku nna, 

● Shiga dap ni hte jaw jahkrum na matu,

● Shinggyim ahkaw ahkang komishin hte hkrum shangun na, 

● Maren mara re ai mara raw ahkaw ahkang  hte htawng kawn dat ya na lam hte,

● Mungdaw hkringmang daju hte hkrumzup bawngban na matu hpyi shawn ai lam ni galaw   wa sai.

Shani ka-ang 11 daram aten hta htawng kata de, shimlam balik hpung ni  shang wa ai shaloi, bawng masha ni hpe wa jahkrum ai ni hku nna, shawa n’gun madun nga ai bawng masha ni hpe adup zingri ai lam n galaw na matu, htawng shinggan kawn hpyi jahtau nga ai hpe chye lu ai.

Shani hkying 2 daram ten hta,  lit nga ai Salang ni hku n’na, kata kaw yawng kaja sai, pri nem sai ngu tsun n’na, shinggan na ni hpe wa kau shangun dat sai.

Raitimung, shana daw hkying 4 daram ten du hkra, htawng kata hta kasu kabrawng marawn jahtau nga ai hpe chye lu ai.  

REF: RFA

Ja Tawng Naw

LEAVE A REPLY

Please enter your comment!
Please enter your name here