Myithkrum Ai Mahtai N’pru Ai Trump – Kim Zuphpawng

0
42

Vietnam mungdan Hanoi muklum hta Trump hte Kim a chyawm tari zuphawng hpe lahkawng ya galaw tim myithkrum ai lam n’lu la ai sha, zuphpawng hpe shangut kau ai hpe American gumsan magam dap kawn tsun shaga wa sai.

Kim Jong-un hku nna, Dingdung Korea n’tsa jahkrat da ai sut hpaga pat hkum da ai lam yawng hpe dawm ya na matu hpyi shawn ai lam nga tim, Nuclear lamang dawm na hte seng nna American ni ra sharawng ai daram myit n’hkrum ya ai ngu, USA gumsan magam Donald Trump hku nna tsun shaga wa sai.

Myit hkrum ai lam n’lu la ai Chyawm tari zuphpawng ngut mat tim, Kim Jong-un ntsa hta kam ai lam nga ai hpe Trump tsun nna, Nuclear jasan kau ai lam hta, Shi tsun shaga ai ga hpe hkap la na re,” ngu matut tsun wa sai.

Masat da ai pat shingdang ai lam ni, matut nga na rai tim, jinghku kaja hku nna kanawn mazum mat na hpe Trump hku nna matut tsun wa sai.

Nuclear hte pila pyen laknak kaba chyam ai lam hpe jahring da na matu, Kim Jong-un hku nna ga sadi jaw ai hpe Trum tsun wa sai.

REF: VOA, RFA
Ja Tawng Naw

LEAVE A REPLY

Please enter your comment!
Please enter your name here