Myit Yu Ra Sai Miwa Mung A Hku Hkau Masa

0
85

2019 ning March shata praw 1 ya shani hta Miwa Asuya a Salang ni gaw Shwili manau hpaw poi lamang hta KBC a ningbaw Dr. Hklam Samson hte Sara kaba ni hpe saw shaga ai hte, Miwa Asuya a ningmu ni hpe tsun dan wa sai hpe chye lu ai. Dai lam ni hpe lawu na hte maren re,

Wupawng ni hpe hkyen ga sai
Moi lai wa sai 40 ning daram hta, Miwa Asuya kawn anhte Wupawng ni hpe karum lai wa ga sai, dai shaloi anhte ningbaw ni hku nna Communist lai ladat re ai nga nna, n hkap la ai, shalai kau sai. Dai majaw ndai lang n shalai na matu ngu tsun wa sai.

NCA hte ta masat lawan htu na
Dai majaw, Myen Asuya ni woi awn ai NCA hpe lawan htu ra ai, n htu yang yak ai lam ni hkrum wa mai ai, lamu ga jarit lam ni yawng pat kau, laknak galaw ya ai Miwa ni yawng hpe shaga la kau yang jam jau kaba hkrum mat na ngu shadum wa sai.

Shata 4 Gap hkat jahkring na matu Miwa matsun
Shata 4, gap hkat jahkring na matu Myen hpe hpaji jaw ai mung Miwa Asuya ni re ai lam, dai laman hta sinat shawng shangoi ai wa hpe ja ja ahkayk la na matu, Miwa hpyen dap ni jarit mayan yawng hta shara la jin grim rai nga sai, dai majaw NCA htu nna simsa lam lawan la na matu tsun shadum wa sai.

Mali Hka Madim hte seng ai lam
Mali hka madim hpe lu hkra bai galaw na matu Yunan Asuya hpe Beijing Asuya a Ginjaw kawn matsun sai lam hte, Miwa ni hku nna n’lu lu hkra galaw sa wa na re lam, dai hte seng nna Kachin ni ninghkap ai lam n galaw ya na matu tsun wa sai hpe chye lu ai.

Miwa ni tsun shadum ai hpe yu jang, Miwa hte Myen ni tau hkrau jahkrum da sai lam hpe asan sha mu lu nga ai. Myen mung hta Federal democracy jet ai n jet ai hpe sung sung myit ya ai lam n nga ai sha, Myen ni jaw na ahkaw ahkang hpe marin let NCA, Mali Hka madim hta Miwa mung hku nna Myen a gawng malai, shanhte akyu ara lu na matu shakut nga ai hpe dan dan leng leng mu lu sai majaw, Anhte amyu sha ni a shawng lam hta Miwa mung hku hkau masa hpe bai sawn maram ra sai lam hpe tang madun dat ai.

REF: Shawng Lam shi sawk
Ja Tawng Naw

LEAVE A REPLY

Please enter your comment!
Please enter your name here