Myen Ni A N’htoi 120 Ya Gaphkat Jahkring Ai Maw Lanyet

0
33

Myen hpyen dap hku nna 2019 ning December shata 21 ya hta shata malai gaphkat jahkring nna, mung masa bawngban hpawng ni hpe galaw mat wa na hpe tsun ndau lai wa sai. Myen Hpyen ni a yaw shada lam gaw simsa lam bawngban hpawng galaw na zawn zawn lajang nga nna, Dingdung Myen mung de majan jasim taw da nhtawm, Rahkaing mungdaw hta shara la hpang wa ai AA ni hpe shagrawp kau na masing hte galaw sa wa ai hpe asan sha mu mada wa sai.

Dai hta grau wa ai lam gaw, Sammung Kun – lung muklum dindung maga Mung Yaw, Man Mut shara hkan , Kokang MNDAA ni hku nna masha ningnan lahkawn ngu ai hpe mara shagun nna, Ndai laman majan bai jasat hpang let, MNDAA ni a dap shara nkau mi hpe n’gun kaba hte htim gasat zing la ai hpe Myen hpyen dap shiga kaw nna arawng la shana wa sai.

February shata 12 ya jahpawt 8:00 am ten daram kaw nna, MNDAA Dapnu ( 211 ) up hkang ginra, Hong Ai hte La Bar Chai lapran hta Myen dap ( 99 ) hpyen hpung hte MNDAA Dap dung ( 203 / 204 ) pawng hpawm hpyen hpung ni laja lana gasat galat byin ai hpe chye lu ai.

Dai majaw, Myen hpyen ni gaw, Shanhte a hpyen ladat hpe simsa lam gawgap ai ngu ai gabaw hte kapyaw kasup nga ai hpe mu lu nga ai. Dungdung Pawng hpawm myitrum hpung kaw nna, AA hte MNDAA ni hpe gaw ta tut gasat taw nga nna, Wunpawng ginra hta gaw, Sam hkyen ni hpe laknak shagrung ya ai, Putao de na Rawang makawp maga dap ni hte, rau nga amyu sha shada lapran hta manghkang kaba shatai let masa lam ni shanku hkra galaw wa ai masa hpe mu lu wa ai majaw, grai sadi maja ra ai aten rai nga ai hpe tang madun dat ai.

REF: Shawng lam shi sawk, RFA
Ja Tawng Naw

LEAVE A REPLY

Please enter your comment!
Please enter your name here