Myen Mung Shinggyim Ahkaw Ahkang Hte Seng Ai Daw Dan Lam UN Shagrin

0
28

Myen mungdan hta, shinggyim ahkaw ahkang n tawt lai ai lam hte, mungkan htung tara ni hpe mung tawt lai ai Myen hpyen dap a lit nga ai hpyen du ni hpe ahkyak la lu na hte seng nna, Myen mung hte seng ai, dawdan ai lam hpe 2018 ning December shata praw 22 ya shani hta, 73 lang na UN Ninggawn rapdaw zuphpang kaw nna myit hkrum madi shadaw ai mae 136 hte shagrin dat sai. Dai hta sha n’ga Myen mung a lam lajang lu na hte seng nna US$ wan 28 jang lang na matu mung dai zuphpawng kaw nna myit hkrum shagrin dat ai shiga hpe chye lu ai.

Myen Asuya Ninghkap
Myen Ausya hku nna gaw, ndai dawndan ai lam hpe laja lana ninghkap nna, UN wuhpung malawm re ai mungdan langai a awmdawm daru magam hte, sari sadang hpe n-sawn nsang di ai lam, re ai ngu nna Myen mung sumtsang salang hku nna zuphpawng hta tsun shaga da ai.

Shagrin ai lam
Dai shani dawdan ai lam gaw, Myen mung a shinggyim ahkaw ahkang mabyin masa ni ngu ai gabaw hte Myen mung hte seng ai dawdawn ai laika nhprang masat (5) hpe 73 lang na UN ninggawn rapdaw zuphpawng hta dawdan wa ai shaloi, madi shadaw ai 136, ninghkap ai 8 hte, lapran hta nga ai 22 kaw nna myit hkrum ai grau law ai majaw nhprang masat (5) hpe shagrin dat sai hku re.

Myit shang sha hpa dawdan ai Mungdan ni
Dawdan ai lam hpe myit hkrum ai mungdan ni gaw, Bangladesh, American, Canada hte Britain mungdan kaba ni lawm ma ai. Ninghkap ai mungdan ni gaw, Miwa, Russia, Belarus, Cambodia, Lao, Vietnam hte Philippines mungdan ni lawm nna, Lapran hta tsap ai mungdan ni gaw, North Korea, Singapore, Thai, India, Japan, Nepal, Bhutan, Sri Langka hte East Timor mungdan ni lawm ai hpe chye lu ai.

Dawdan Ai Lam
2017 ning shaloi Rohingya myu sha marai sen 7 jan hpe maja gawt shapraw kau ai lam hte Myen mung kata hta shinggyim ahkaw ahkang tawt lai ai lam ni hpe jep sagawn na lam hte seng nna marai 62 lawm ai tara shang matsing ningting laika lu la na matu, hpaw da sai hpung hpe matut nna shagrin dat nna, jai lang na budged $ wan 26 hpe shagrin dat ya sai.


Seng ang ai Hpyen Du ni hpe mungkan Tara rung kaw nna lajang wa lu na matu, UN shim lam kongsi hpung kaw nna nna shalai ya lu na lam ni lawm ai hpe chyelu ai.

Rai timung , Myen mung hku nna ndai n’tara ai dawdan lam hpe Myen mung asuya hku nna hkan nang na lam n’nga ai ngu Myen Asuya a malai Sumtsang salang hku nna ninghkap tsun da nga ai.

REF: VOA News, UN News
Ja Tawng Naw

LEAVE A REPLY

Please enter your comment!
Please enter your name here