Myen Mung Lam Hte Seng Nna Tsun Shaga Wa Ai Pence Hpe, USA Amat Ni Hkapla N’gun Jaw
American Mungdan a ningtau gumsan magam Mike Pence hku nna, ASEAN ningbaw ni a zuhpawng hta, Rohingya ni hpe roi rip galaw nga ai lam, shi ga sawk sagawn sara lahkawng hte seng ai lam ni hpe Myen mung ningbaw Aung San Suu Kyi, hpe aja awa tsun shaga wa ai lam hte seng nna, American rapdaw a shinggyim ahkaw ahkang hpung a amat ni hku nna hkapla hkalum masat ya ai lam nga ai hpe chye lu ai.
Pence hku nna, ASEAN zuphawng hta Aung San Suu Kyi hpe, Rohingya ni hpe zingri zingrat galaw ai lam ni hte seng nna, aja awa mara shagun da ai, Reuters shiga sawk sara lahkawng, Ko Wa Lone hte Kyaw Soe Oo hpe lawan dat ya na matu Myen mung Asuya hpe tsun shadut da ai lam hpe, Lahta Rapdaw amat Thom Tillis hku nna Nov 16 ya shani hta ndau laika shapraw ai.
Rohingya ni hpe Mungchying masat lu wa na lam hte, myu kaji bawsang ni rawt jat galu kaba wa ai lam ni hte seng nna kalang lata galaw ging ai hpe, lahta tsang rapdaw amat ni hku nna shadut da ai hpe chye lu ai.
REF: VOA, CNN
Ja Tawng Naw
