Myen Mung Hta Tawt Lai Hkrum Dik Htum Shinggyim Ahkaw Ahkang !!!

0
54

2018 ning Dec shata 10 ya hta, UDHR ngu ai Universal Declaration of Human Rights, shinggyim ahkaw ahkang ngu masat da ai gaw 70 ning hpring wa sai. Myen mung gaw, shinggyin ahkaw ahkang jahkring hkring tawt lai ai ngu nna mara shagun hkrum ai mungdan langai hta lawm ai. 70 ning hpring sai UDHR shinggyim ahkaw ahkang masat nhtoi hta Myen mung kaw UDHR hta lawm ai lawnglam 30 kaw nna, tawt lai hkrum dik htum langai gaw, “ A Sak Hkrung Lu Na Ahkaw Ahkang “ re hpe chye lu ai.

 

A Sak Hkrung Lu Na Ahkaw Ahkang
UDHR, shinggyim ahkaw ahkang  a No 3 hta, Ndai hku tsun da nga ai “ masha shagu gaw, asak hkrung na ahkaw ahkang, shang lawt ahkaw ahkang hte shimlum ai lam lu la mai ai”.

Ndai lam gaw Myen mung hta, laja lana tawt lai hkrum ai lam langai re sai ngu, shingyim ahkaw ahkang tara kasa U Awng Htoo hku nna tsun wa sai.

“ a sak hkrung lu na ahkaw ahkang gaw kade daram du hkra tawt lai hkurm ai hpe yu jang, UN FFM ( Fact finding mission ) UN shingyim ahkaw ahkang sawk sagawn hpung ni mahtang, Myen mung hta majan ruhka amu, amyu bawsang ni hpe sat shamyit ai lam ni hpe galaw nga ai majaw, mungkan tara rung ( ICC ) hta tara jewawt hkrum ging ai ngu madi madun ra ai madang du mat sai “.

 

UN FFM ni hku nna, Rahkaing mungdaw hta, 2017 ning August shata hpang de galaw ai Myen hpyen dap ni shimlam jasan jaseng ai lam galaw ai shaloi, Rohingya myu sha ni n’tsa hta masha sat shamyit, mare nat jahtum kau ya ai, shinggyim ahkaw ahkang kaba tawt lai ai lam ni galaw wa sai.

Jinghpaw mung hte Sam mung hta gaw, rawt malan hpung ni hte gasat ai shaloi, mung mare masha ni a ntsa hta, shinggyim ahkaw ahkang tawt lai nna, masha rim ai, porter shaga ai, zingri sat kau ai, num ma ni hpe roi rip sat kau  ai, mare ni jahten kau ya ai lam ni hpe tawt lai galaw ai ngu  UN FFM ni tsun da nga ai hpe tang madun dat ai.

REF: BBC, UN

Ja Tawng Naw

LEAVE A REPLY

Please enter your comment!
Please enter your name here