Myen Mung Hta H1N1 Ana Hpe Tau Hkrau Makawp Maga Na Ahkyak

0
53

Myen mung hkam kaja lam Dap kawn 2019 ning June shata 19 ya hta Yangon muklum kaba hta shiga sanglang hpawng galaw ai shaloi H1N1 ana hte marai 3 si hkala hkrum sai lam tsun sanglang ai hpe chye lu ai.

June shata laman hta, nrup ntsun ai mchyi ana byin ai marai 20 hta na, marai 7 gaw H1N1 ana lu ma ai. Dai hta na, asak 75 ning, 29 ning hte 31 ning re ai ana lu ai masha 3 si hpang wa sai.

Ngam ai marai 4 hpe gaw, Insein, Yangon hte dingdung Oakalar mung shawa tsi rung ni hte tsi tsi lajang nga ai hpe chye lu ai.

H1N1 waw shang, tuk-kwi ana hpe wa tuk-kwi ngu mung shamying ai hpe chye lu ai.

Lawu na lam ni gaw, H1N1 waw shang ana hpe tau hkrau makawp maga lam nkau mi re:

  • Kahti ai hte, jahkru ai shaloi kalang lang mai ai tissue mai sau hte magap n’na galaw na,
  • Lang ngut ai tissue hpe kalang lata maza pung de bang kau na
  • Ayan na lata hpe sapya lang let hka hte atsawm kashin na
  • Waw shang, tuk-kwi zawn byin hpang wa jang, tsi du ni hte lawan madun na.
  • Tinang hta waw shang, tuk-kwi zawn byin mayu jang laga masha ni hte n’law htum pae 3 daram gang nna nga na.
  • Tinang hta waw shang, tuk-kwi zawn byin mayu jang, bungli, jawng hte masha law ai wuhpung de n sa na.
  • Laga masha ni hte lata shakram hkat ai lam ni, ahpum ai lam ni , pawn ai lam ni n galaw na.
  • lata n kashin ai sha, myi, na, n’gup hkan n hkra na.

Ndai lam ni hpe lu sadi sahka ai rai jang, H1N1 ana kap na lam hta na hkyamsa na lam hpe mungkan hkam kaja la dap ni kawn tsun hpaji jaw da ai hpe chye lu ai.

REF: BBC, WHO. Ja Tawng Naw

LEAVE A REPLY

Please enter your comment!
Please enter your name here