Myen Mung Gumsan Magam Rung A Shi laika Sanglang Hpawng Hta Wunpawng Amyu Sha Hte Seng Ai Lam

0
64

2019 March shata 29 ya shani hta, Myen mung Gumsan magam rung a lithkam U Zaw Htay hku nna  Gumsan magam dum n’ta hta Simsa ai lam, AA majan gasat ai lam hte seng nna shi laika sangalng hpawng galaw ai hta, Wunpawng Amyu sha hte seng nna tsun shaga da ai hpe tang madun dat ai.

Simsa Lam hte Seng Ai Lam

● 2018 Dec 12 –  Miwa mung Kumming hta UWSA, KIO, TNLA, MNDAA hte hkrum ai,  AA, TNLA, MNDAA  ni a Statement hte seng nna bawng ban ai.

● 2019 Jan 13-14,  Chaingmai hta  KNU, RCSS, KNPP, KIO ni hte  NRPC hte hkrum

● 2019 Feb 25, Miwa mung Kumming hta KIO, TNLA, AA, MNDAA hte hkrum nna, “deed of commitment” ga shaka la na lam hte seng nna bawng ban sai.

● 2019 March 21,  Naypyidaw hta NCA ta masat n htu shi ai wuphung 8 hte hkrum sai.

● 2019 April shata hta – KIO hte lahkawng lang hkrum na lam nga ai,  April 2- 9 lapran hta kalang, hka jaw poi ngut jang kalang bai hkrum nna, NRPC, Myen hpyen dap  ni hte hkrum shaga na. KIO kaw nna deed of commitment hte seng ai lam hpe  tang madun mat wa na.

IDPs Hte Seng Ai Lam

● KIO hte NRPC myit hkrum da ai hta, Bilateral kaw lawm ai lam ni hpe shada kam hkat ai masa hku IDPs ni hpe  tinang buga de bai wa na matu myit hkrum da ai.

● NRPC  hte  KECC ( KBC ni woi awn ai camp ni hpe woi lakawn nga ai hpung ) hte hkrum  ngut sai, April shata hta kalang bai hkrum na.

● Myen hpyen dap hte myit hkrum ai lam lu la ngut ai hpang majan byin ai lam n nga jang,  bawm jasan ai lam ni galaw mat na

● Pawng Hpawm hpung kaba hpaw nna (Kachin CSO network, Kachin mungdaw Asuya, Munghpawm hkye mawoi dap,  INGOs, NGOs ) IDPs ni tinang mare de ngwi pyaw simsa ai hku wa nga lu hkra garum mat na.

Mali Hka Madim hte Seng Ai Lam

–  Mali hka madim Commission hpaw da sai

– Moi na Asuya hku nna ga shaka la da sai majaw, ndai Asuya hku nna, lit la ai lam nga ra na

– Asuya a masa gaw aten du ai shaloi, gara hku galaw sa wa na hpe mung dan masha ni hpe tsun shana wa na, ngu ai lam ni hpe sanglang wa sai hpe chye lu ai.

REF:  Myanmar President House

Ja Tawng Naw

LEAVE A REPLY

Please enter your comment!
Please enter your name here