Myen Mung A Sut Hpaga Pat Shing Dang Ai Lam Bai Galaw Na Matu USCIRF Tang Madun

0
330

American mungdan a mungkan nawku htung ni a awm dawm lu ai lam hte seng ai hpung ( USCIRF ) kawn Myen mungdan hta makam masham Nawku htung ni hta awm dawm ahkaw ahkang tawt lai hkurm ai lam ni matut manoi byin nga ai majaw, USA gumsan magam usa Obama ten hta Democracy galai shai ai lam ni nga wa ai majaw Myen mung hta sut hpaga yam ga htinglu ai lam hpe pat tawn da ai kawn dawm kau ya ai hpe, kalang bai galaw sa wa na matu Trump Asuya hpe shadut ai hpe chye lu ai.

Myen mung hta, Nawku htung ni a awm dawm lu ai lam hpe adip arip di ai lam hte shinggyim ahkaw ahkang tawt lai ai lam ni dam lada ai hku byin nga ai hpe, Myen hpyen dap hku nna nyet kau ai sha n ga, lit la hpajang ya ai lam ni n nga ai majaw, American hte jinghku mungdan hpung ni hku nna, Rahking mung hta amyu sha ru sai shamyit ai lam, Jinghpaw mung hte Sam mung hta shinggyim ahkaw ahkang tawt lai ai lam ni hte seng nna, Myen hpyen dap a lit nga ai nkau hpe sha pat shingdang ai lam hpe lu galaw ai.

Dai majaw Myen mung hte seng nna, 2016 ning hta USA Gumsan magam wa a matsun hte jahkring da ai ( International Emergency Economic Powers Act ) Ahkyak ahkya Mungkan Sut hpaga pat shingdang ai tara hpe bai asak jahkrung n’na, matut lajang nga ai laknak mari ai hpe pat hkum da ai hpe matut tawn da na matu madi shadaw tang madun ai lam hpe USCIRF a 2019 ning sumtang hpe, 2019 ning April shata 29 ya hta ndau shana wa sai.

USA mungdan maigan mung hkringmang rung a jahpan hta, Nawku htung awm dawm lu ai hkrit tsang hpa madang hta, Myen mung hpe masat langai hku masat da ai hpe chye lu ai.

REF: RFA, USCIRF
Ja Tawng Naw

LEAVE A REPLY

Please enter your comment!
Please enter your name here