Myen Mung A Shinggyim Ahkaw Ahkang Daw Dan Ai Lam Hpe UN Shinggyim Ahkaw Ahkang Kongsi Kawn Shagrin

0
16

2019 ning March shata 22 ya shani, Geneva hta Mungkan Munghpawm hpung UN a shinggyim ahkaw ahkang kongsi zuphpawng hta, Myen mung hte seng nna, myit tsang ra ai shinggyim ahkaw ahkang daw dan ai lam hpe, mae lata nna shagrin dat ai hpe chye lu ai.

Rahkaing, Kachin hte Sam mung ginra ni hta amyu bawsang ni a ntsa hta, roi rip sat nat ai lam ni hte seng nna shinggyim ahkaw ahkang ni grai sawng ai hku nna tawt lai ai lam ni a n’tsa hta grai myit tsang ra ai daw dan ai lam hpe mae jaw wa ai shaloi, myit hkrum ai 37, ninghkap ai 3 hte shagrin dat sai.

Dai lam hte seng nna, EU hpung a Romania Sumtsan salang Adrian Cosmin Vierita hku nna daw dan ai lam hpe tang shawn wa ai shaloi, “ Daw dan ai lam hpe malawng maga ra sharawng ai hte shabyin ai gaw, Myen mung hta sanglang ai lam ni nga na matu hte, mungkan madang hta myit tsang hpa lam ni tai nga ai, Rohingya hte amyu bawsang ni a ntsa hta shinggyim ahkaw ahkang tawt lai hkrum ai ni hpe n’gun jaw madi shadaw ai lam hpe shiga shana ya ai lam re ai,” ngu tsun wa sai.

Daw dan ai lam hte seng nna, Myen mung sumtsan salang U Kyaw Moe Tun hku nna gaw, daw dan ai lam gaw maga mi hku lajang ai lam re, Rahkaing mung daw na, masha hpan mi hpe sha madung tawn ai hpe dan dawng nga ai, daw dan ai lam hpe n’hkap la lu ai ngu, tsun wa sai hpe chye lu ai.

REF: VOA, UN News
Ja Tawng Naw

LEAVE A REPLY

Please enter your comment!
Please enter your name here