Myen Hpyen N’bungli Dap Hpyen Gasat Jet Nbungli Ningnan 4 Mari

2018 ning December shata 15 ya shani hta Myen hpyen bungli dap a (71) ning hpring masat n’htoi hta, China-Pakistan mungdan ni kaw nna 2007-2008 kawn galaw shapraw da ai, JF-17 hpyen gasat jet nbungli ningnan 4, hkrun lam hkawm ai ni jawn ai hpan ATR – 72 n’bungli 2 hte, hkye mawoi ai hta lang ai ABS 365 helicopter 1, yawng rai yang 7 hpe, lamang galaw ai shara hta shachye ya let madun dan ai lam galaw ai hpe chye lu ai.

“ JF – 17 hpyen gasat n’bungli ningnan gaw, hpan shagu mai lang ai, grau nna Pakistan hpyen nbungli dap hta lang taw nga ai, shi hta madang 1,2,3 ngu garan da nna, Myen mung a matu gara madang mari ai hpe gaw grai nchye lu shi ai, rai ti mung shi a manu gaw US$ wan 28 kaw nna wan 32 du hkra nga ai” ngu zai ninggawn masan maram hpung a ningbaw Dr. Nai Swe Oo hku nna tsun dan ai hpe matut chye lu ai.

Myen hpyen dap hku nna, Ndai hpyen gasat n’bung li hpe mungdan magawp maga na matu yaw shada let mari ai ngu tsun nga tim, Myen hpyen dap a akyang gaw, n’bung li laknak ni mari ngut jang, Myen mung amyu bawsang rawt malan hpung ni hpe gasat gala ai hta, chyam yu let lang ai lam nga ai hpe chye lu ai.

Myen hyen dap gaw, Myen mung dan a budged kaw nna, ra ai hku  laknak ni mari na lam hpe 2008 gawda ai tara hta, ahkaw ahkang hku masat da ya ai majaw, Myen uphkang Asuya hte  rapdaw kata hta nmai jahta, n’mai pat hkum nga ai.  

REF: BBC News
Ja Tawng Naw

Leave a Reply

Your email address will not be published. Required fields are marked *