Myen Hpyen La Ni KutKai IDPs Hpyen Yen 2 Hpe Zingri

0
77

2018 ning November shata 26 ya shani hkying 1:30 aten daram hta, Dingdung Sam mung Kutkai Muklum, daw 6 IDP camp 2 kaw nga ai hpyen yen ntsinyam 2 hpe, Myen hpyen dap Hka-la-ya 45 dap nna, hpyenla ni adup zingri da ai lam shiga na lu ai.

Adup zing ri hkrum ai hpyen yen tsinyam yan gaw, Slg. Nhkum Zau Tawng ( 40 ning) hte Shd. Lahpai Zau Wawm (20 ning) yan rai ma ai.

Shan lahkawng yan gaw, Man Pying mare kaw galaw na Ta Din ginsup shingjawng poi hta shang lawm na matu yu wa ai ten hta, Man Mau mare lam kaw, Myen hpye la ni hkap jahkring nna, sawk jep yu yang Slg. Zau Tawng a phone hta KIA mahkawn ka hkrang video clip rawng taw ai majaw, KIA hpyen la re ai lam hpe yin la shangun nna, lahkawng yan hpe myi pat kau ya nhtawm, hpun tawng hte adup zing ri da ai majaw, Slg. Zau Tawng a baw hkra nna, sai pru ai, lahput nmai malan mat wa ai, Shd. Zau Awng gaw lagaw hkan hpyen taw ai lam hpe, hpyen yen dabang na Salang lagnai  mi tsun ai.

Shan lahkawng bai lawt na lam hte seng nna, Camp lit hkam ni gaw, Kutkai uphkang du hte, Man Pying uphkang salang ni hpe Myen hpye dap de, shan yan gaw KIA hpyen la nre ai sha, hpyen yen tsinyam sha re ai lam hpe shana shangun ai hpang, shana daw 05:00 aten hta camp de bai du wa sai.

Adup zingri hkurm ai yan gaw, n’ta kaw nga nna bum tsi ni shadu lu nga ai lam chye lu ai.

Ndai laman, Myen hpyen la ni hku nna, hkawm wa hkawm sa ni hpe  shara shgu hta KIA ni hte seng ai lam ni hpe sawk tam chye ai majaw, Wunpawng myu sha ni hku nna, sadi zen ra na hpe tang madun dat ai.

REF: Shawng Lam Shiga
Ja Tawng Naw

LEAVE A REPLY

Please enter your comment!
Please enter your name here