Myen Hpyen Dap Ni  Mawdaw Lam Baw Ai Hpe Jahkring Na KNU Ni Sadi Jaw

Kayin mungdaw Dingdung maga na, Taung-Ngoo ninghtawn, Nyau-Lay-Pin ninghtawn hte  Hpa-pon ninghtawn ni maga de, hpyen masa lam hkrang lu na matu yaw  shada let, Myen hpyen dap ni  maw daw lam baw lajang nga ai hpe, kalang ta hkring na matu  KNU a Taung-ngoo ninghtawn na lit nga ai ni ndau tsun shapraw ai hpe chye lu ai.

“ Ndai lam baw ai hpe lahkawng maga hkum zup nna bawng ban jahkrum ra ai, lam baw ai a yaw shada lam hpe yu jang, Kayin mungdaw dingdung maga de na KNU a ninghtawn 4 hpe hpyen masa lam hpe grau madi shadaw na matu rai nga ai hpe adan aleng mu lu nga ai, mung mare masha ni a matu lam galaw ya ai zawn nrai nga ai, dai majaw ndai hpe tsep kawp n’hkap la lu ai, ja ja ninghkap ai “ ngu  Taung-Ngoo ninghtawn a tsun shaga ahkang lu ai , Salang kaba Saw Thu Ka Bi hku nna tsun ai.

Kayin rawt malan hpung ni gaw, Taung-Ngoo ninghtawn hta Dap Ba (2), Nyau-Lay-Pin ninghtaw hta Dap Ba (3), Hpa-Pon ninghtawn hta Dap Ba (5) hte Tha-Htung ninghtawn hta Dap Ba (1) ni nga ai hpe chye lu ai.

2018 Dec praw 2 ya hta, lam baw lajang ai hpe lawan jahkring na matu KNU Dap Ba 2 kaw nna tsun ndau shana ai hpe chye lu ai.

Ndai lam hpe yu jang, KNU ni hku nna NCA hta nsen myu mi pru wa ai masa re ai majaw, Myen ni gaw hpyen masa maga de ka-up lu na matu  yaw shada let, maw daw lam galaw ai, hpyen masa hku ja ja bai jum tek nna , KNU ni  NCA de bai rai wa na matu lajang nga ai masa rai nga ai hpe mu mada let tang madun dat ai.

 

REF: BBC

Ja Tawng Naw

Leave a Reply

Your email address will not be published. Required fields are marked *