Myen Hpyen Dap Ni Hpa Rai n’na Rahkaing Ginra Hta Majan Sum

0
37

2019 ning July shata praw 1 ya shani hta, Asia Times shi lia hta  ( Why is Myanmar losing the Rahkine War ?) ngu ai gabaw hte Anthony Davis ka da ai kaw n’na lak lai ai lam nkau hpe bai tang madun da tai.

• Rahkaing majan gaw USA hte Vietnam majan zawn byin wa ai lam nga wa sai.

• Vietnam majan hta USA ni galaw ai zawn, Myen ni hku n’na myawk lak nak kaba hte majoi hkrup mara gap n’na, AA sha n ga Rahkaing myu sha ting hpe dingsang jahkrit shama ai lam hpe galaw ai.

• Sittwe  mare hte ni ai Myen hka sanghpaw hpe gasat ai gaw, AA rawt malan hpung a, galaw lu ai atsam kaba rai wa sai hpe madun nga ai.

• AA hte gasat ai majan gaw laga rawt malan hpung ni hte gasat ai masa lam n bung ai.

• Myen hyen dap hku n’na hpyen n’gun 8000 – 10000 lapran hpe Rahkaing ginra hta jai lang ra nga ai, AA hku n’na rang rut atsawm ngut ai hpyen n’gun 6000 daram hte gasat nga ai.

• January shata hte May shata lapran na majan hta, Myen hpyen la 400 jan si hkala n’na, AA maga de marai 100 jan si hkala hkrum wa sai.  Shawng lam majan hta, AA sniper a majaw Myen hpyen du ni si hkala grau hkrum nga ai.

• Majan masa gaw, amyu bawsang hpe shamyit ai masa de gale wa ai majaw, Myen hpyen dap kata na Rahkaing hpyen la ni hpe n mai kam ai lam de byin wa mai ai.

• AA ni Rhkaing ginra hta grau shara lu wa mai ai  majaw, Miwa masing ni hte grau ni wa mai n’na ,  AA a shingkang shingwang hpe Miwa ni n’yu  n mai ai madang de du wa mai ai lam ni hpe laika ka sara hku n’na AA ni a laklai ai atsam ni hpe htawng madun da ai hpe chye  lu ai.

REF: Asia Times

Ja Tawng Naw

LEAVE A REPLY

Please enter your comment!
Please enter your name here