Myen Hpyen Dap Hte Rau Sut Hpaga Galaw Ai Company Ni Ahkyak La Hkrum Na Lam Nga

0
23

Myen hpyen dap hpe Ahkayak la na shakut nga ai UN shinggyim ahkaw ahkang kongsi a ( FFM ) sakse lami laman tam ai komishin hku nna, Myen hpyen du kaba ni hpe ahkyak la lu na lam hte seng nna shakut nga ai ten hta, Myen hpyen dap hte rau sut hpaga galaw nga ai company ni hpe ma ahkyak la lu na matu lajang nga ai hpe chye lu ai.

2019 ning May shata 16 ya shani hta, FFM komishin ningbaw Marzuki Darusman hku nna, Myen mung dan ting na shinggyim ahkaw ahkang tawt lai ai lam hte seng nna, hpyen du kaba ni hpe tang du ai hku n’lu galaw ai majaw, Myen hpyen dap hpe nan dinghkrai garen gari galaw na ra sai lam hpe tsun shaga wa sai.

2019 ning htum wa maga de, Myen hpyen dap hte, Hpyen du kaba ni de, ja gumhpraw shang madung lam ni hpe tam nna sumtang galaw wa na, dai hpang hpyen du kaba ni hte hpyen dap hpe tang du ni hpe pat shingdang ai lam ni galaw wa na hpe chye lu ai.

2018 ning hta, Burma Campaing UK a sumtang hta Myen hpyen dap hte rau sut hpaga galaw nga ai maigan company 49 nga ai hpe tang madun wa sai.

Myen hpyen dap hku nna Myanmar Economic Cooperation hte U Paing company kawn jahpan n mai chye ai ja gumhpraw manu man lu nga ai hpe chye lu ai.

Ref : UN Human rights council, VOA. Ja Tawng Naw

LEAVE A REPLY

Please enter your comment!
Please enter your name here