Myen Hpyen Dap Hte Rahkaing AA Ni Majan Laja Lana Byin Nga !!

0
100

Shata 4 gap hkat jahkring ai hpe ndau ngut ai hpang, 2018 December shata 22 ya kaw nna Myen hpyen dap hku nna Rahkaing mungdaw a Ya-the-taung, Pung-na-kyune, Kyauk-taw, Bu-thi-taung hte Pa-let-wa ginwang 5 hta AA Rahking rawt malan hpyen hpung ni hte laja lana gasat hpang wa ai hpe, AA hpung a tsung shaga ahkang lu ai Khaing Thu Hka hku nna tsun ai.

Dec 25 ya Hkristmas n’htoi hta, shani tup majan grai laja ai sha n’ga Dec 26 ya hta mung, Bu-thi-taung hte Ya-thae-taung maw daw lam hta majan byin ai hpe mung chye lu ai.

Majan a majaw, buga mare masha ni hku nna ni nawn ai Tai-ta-puk, Kyauk-pyin-seik mare ni maga hprawng yen ra mat ai. Mare masha ni hpe porter hku nna shaga woi ai lam grai n’nga shi ai rai tim, marai lagnai hpe gaw lam madun na matu Myen hpyen la ni shaga woi mat ai majaw, dai wa hpe tsang ai lam ni nga ai hpe mare salang U Tun Thar Zan hku nna, tsun ai.

Majan byin ai hta, Myen hpyne dap ni hku nna, Helicopter hte Pung-na-kyune ninghtawn na mare nkau mi hpe wa gap ai lam nga ai, majan a majaw lahkawng maga nna si hkala hkrum ai lam nga ai hpe chye lu ai.

Rahkaing mung hta byin nga ai, Majan hpe lawan shazim let, simsa lam hta atsawm sha bawngban jahkrum lu na matu FPNCC ni hku nna December 24 hta ndau shana da ai.

Myen ni a masa hpe yu jang, laga rawt malan hpung ni hpe Simsa lam gabaw hte majan jahkring shazim da nna, AA hpe shata 4 laman Rahkaing mung daw hta n’nga hkra shamyit kau na ngu ai masing kaba hte galaw ai hpe adan aleng mu wa lu nga ai.

REF: RFA, BBC
Ja Tawng Naw

LEAVE A REPLY

Please enter your comment!
Please enter your name here