Myen Hpyen Dap Hte AA Hpe Majan Ruhka Amu Tawt Lai Ai Lam (AI) Ndau Shana

0
26

2019 ning May shata 29 ya shani hta, Rahkaing majan gasat gala ai lam kaw Myen hpyen dap hte AA ni hku n’na majan ruhka amu tawt lai nga ai sumtang hpe Amnesty International ( AI ) Mungkan shinggyim ahkaw ahkang hpung a Asia dan lit hkam Nicholas Bequelin kawn ndau shana wa ai hpe chye lu ai.

2019 ning January shata praw 4 ya shani, Rahkaing mung hta nga ai Myen balik dap ni hpe AA kawn htim gasat ai hpang, Myen Asuya a ahkaw ahkang jaw ai hte maren, hpyen dap hku n’na AA ni hpe hkan shamyit ai majan kata hta, mare masha ni a n’tsa, mara kata sat sharu ai lam, rim sharawng zingri ai lam hte shinggyim ahkaw ahkang tawt lai ai lam ni galaw ai hpe, sumtang hta madi madun da nga ai.

AA rawt malan hpung hku n’na mung, mare masha ni hpe rim sharawng zingri ai lam ni, sat ai lam ni hte seng ai shinggyim ahkaw ahkang hpe tawt ai lam ai galaw ai hpe tsun da nga ai.

Dai lam hte seng n’na laknak lang hpung lahkawng yan gaw majan ruhka amu tawt lai ai majaw, ( AI )hku n’na, ICC mungkan tara rung de tang madun na matu lajang nga ai hpe chye lu ai.

Ndai lam hpe Myen hpyen dap hte AA hku n’na sakse n nga ai sha dingsang mara tam ai lam re ai hpe bai sanglang da ai hpe chye lu ai.

REF: VOA, RFA Ja Tawng Naw

LEAVE A REPLY

Please enter your comment!
Please enter your name here