Myen Hpyen Dap Du Daju Jum Min Awng Hlaing Hpe Ahkyak La Ging Ai Ngu UN Dat Kasa Ms. Yanghee Lee Tsun

0
12

Myen hpyen Dap a Du Daju jum Min Awng Hlaing hte laga lit nga ai hpyen du ni hpe, Amyu sha shamyit ai lam hte seng nna san jep ahkyak la ging ai lam hpe, UN hte seng ai sawk sagawn matsing ningting ai Salang Ms. Yanghee Lee hku nna tsun shaga ai hpe chye lu ai.

Yanghee Lee hku nna, Bangladesh mungdan a Rohingya tsinyam dabang de sa nna, Rahkaing mungdaw kaw nna hprawng yen wa ai, Rohingya tisnyam ni hte hkrum ngut ai hpang, January 25 ya shani hta galaw ai shi laika sanglang hpawng hta tsun shaga mat wa ai.

“ Rahkaing mungdaw hta byin ai amyu sha shamyit ai lam ni, Shingyim masha ni hpe tawt lai ai ru hka amu ni, Myen mung a laga shara ni hta byin nga ai Majan ru hka amu ni hte seng nna Min Awng Lai hta Lit nga ai,” ngu Yanghee Lee tsun ai.

Lit nga ai ni hpe ahkyak la lu jang she, tsinyam ni bai nhtang wa ai lam hta grau masan sa na re, ngu ai hpe mung, shi hku nna ahkyak ai hku tsun shaga mat wa ai.

Ya na zawn Myen hpye du ni hpe aykyak la na hte seng nna, Ms. Yanghee Lee hku nna shawa man hta tara shang tsun shaga hpang sai lam re hpe mung chye lu ai.

Ms. Yanghee Lee hpe Myen mung de shang na ahkang visa hpe Myen Asuya kaw nna pat hkum da ai.

REF: BBC, VOA
Ja Tawng Naw

LEAVE A REPLY

Please enter your comment!
Please enter your name here