Myen Hpeyn Dap Ni Myauk-u Mare Kata Sinat Kaba Gap Ayai

0
17

2019 ning March shata 18 ya shana daw hkying 7:00 PM daram hta, Myen hpyendap ni hku nna Myauk-u mare hte ni nawn ai mare ni hpe sinat, laknak kaba ni hte ayai aya gap bun ai hpe chye lu ai.

Myen hpyen dap hku nna, AA hte majan gasat ai hku nrai ai sha, Yangon – Sittaway lam hku nna hpyen maw daw 10 daram hte sa wa nna, makau grup yin mare ni hpe kam mara gap nna hkawm nga ai hpe mare masha kawn tsun shga wa sai.

Nkau mare masha ni tsun ai hku nga jang, Myauk- u muklum, Kyauk-rit-kay lawk maga de nna hpyen maw daw mali hte shang wa nna, si nat hte gap bun ai lam ni galaw ai hpe tsun ai.

Myauk-u muklum, Ko-taung gawng ngu hte ni ai Ywa-hawng- taw mare de machyu pala kaba hkrat kapaw ai majaw dum n’ta langai wan hkru mat ai hpe chye lu ai.

Myen hpyen dap hku nna, Myauk-U hte ni nawn ai shara hta, hpyen n gun kaba jahkrat da nna, March shata 17 ya shani hta mung, Ko-taung gawng ngu a bum lang maga de sinat ni gap bun nga ai hpe mare masha ni tsun wa sai.

Ndai zawn mare ni de, hkrup mara gap bun ai majaw, Rahkaing amyu sha marai 7 hkala hkrum hkra ai hpe chye lu ai.

AA rawt malan hpyen hpung hpe, Rahkaing myu sha ni malawng maga madi shadaw n’gun jaw nna hpyen man shara n’kau hta, Myen ni sum machyi ai lam ni law wa ai majaw, ndai zawn mare masha ni hpe dingsang AA hpe madi shadaw n’gwi hkra galaw nga ai masa hpe mu mada lu nga ai.

REF: RFA, Shawng lam shi sawk
Ja Tawng Naw

LEAVE A REPLY

Please enter your comment!
Please enter your name here