Myen Asuya Peace Commission Hte KIO, KNPP Ningbaw Ni Thai Kaw Hkrum

0
34

Peace Commission Hte KIO  Hkrum                                                                                                                                 —————————————-

2018 ning November shata 18 ya shana daw ten, Thai  Mungdan Chiang Mai mare hta, Myen Asuya a  Simsa Lam Komishin hte,  Du kaba La Aung woi awn ai KIO dat kasa hpung  hte lak san hkurmzup bawng ban ai hpe chye lu ai. Bawngban hpawng a kata lam hpe gaw  grai nchye lu shi ai.

Peace Commission Hte KNPP Hkrum                                                                                                                             ——————————————-

Jahpawt daw hta gaw, Karenni rawt malan hpung ( KNPP ) a ningtau ningbaw Khu Oo Reh woi awn ai dat kasa hpung hte mung hkrum ma ai. Zuhpawng hta, Mungdaw madang, Mung hpawm madang hte myit hkurm, ta masat htu da ai lam ni hpe, matut lajang mat wa na hte, buga ginra hta hkrum hkra nga ai mayak lam ni asan brang   bawng ban ai hpe chye lu ai.

KNPP hte 2018 ning hta hkrum zup bawng ban ai lam gaw masum lang rai sai hpe chye lu ai, dai hta, Myen mung bawsang rawt malan hpung ( UNFC ) hta langai sha ngam nga ai rawt malan hpung langai re.

Ndai laman, Myen Asuya a Simsa Lam komishin hpung gaw, RCSS, KNU, KIO, KNPP ni hte lawan ladan hkurm zup bawng ban nga ai hpe mu mada lu ai lam hpe tang madun dat ai.

REF: RFA, KNPP

Ja Tawng Naw

 

LEAVE A REPLY

Please enter your comment!
Please enter your name here