Myen Asuya Hte Hpawng Jawm Ai Lam N Galaw Ai Sha Ahkyak La Lu Na Matu ICC Galaw Na

0
84

Myen mungdan Rahkaing Mung daw kawn Rohingya ni hpe sat sharu kau ai lam hte mung dan na shachyut kau ai lam hte seng nna, lit nga ai ni hpe ahkyak la na lam hpe ICC ( Mungkan ru hka amu tara rung ) a lit nga ai ni hku nna aja awa tsun shaga wa sai hpe chye lu ai.

2019 ning March shata 11 ya shani, Bangladesh mungdan Dhaka muklum hta galaw ai shi laika sanglang hpawng hta ICC a lit nga ai Salang kaba Phakiso Mochochoko hku nna, Myen mung hku nna ICC hta ta masat n’htu da ai lam hte seng nna, ICC a sawk sagawn ai lam ni hpe n mai pat hkum na re ngu tsun shaga wa sai.

Bangladesh mungdan hta hprawng yen du nga ai Rohingya tsinyam wan mi daram hpe lai wa sai March shata 5 ya shani kaw nna, ICC tara kasa hpung ni hku nna sawk sagawn hkrum shaga ai lam galaw ngut ai hpang March shata 11 ya shani hta Dhaka muklum hta hkrum lam hte seng ai lam hpe shi laika sanglang poi galaw wa sai.

ICC a Salang Kaba Phakiso Mochochoko gaw, “ Tara agyi ni hku nna, tara kasa daju hpe sawk sagawn na matu ahkaw ahkang jaw da ai majaw, Tara kasa daju hku nna jep sagawn ai lam ni hpe galaw mat wa na. Myen mung gaw ICC hta ta masat n htu da ai majaw, Myen mung hku nna ICC a Tara kasa hpung hte hpawng jawm ai lam n galaw mayu tim, ICC a lam hpe n mai shingdang mat na re. Sawk sagaw ai, jep sagawn ai lam hta yak ai lam ni mai nga ai, raitimung dai baw lam ni hpe anhte ni hkrum ga wa sai, ya na zaw Madu mungdan ni hpawng jawm ai lam n nga ai sha ICC hku nna awng dang hkra lu galaw ai lam ni nga ai,” ngu ai hpe tsun shaga wa sai.

ICC hpung a myithkurm lam langai hta, Myen mung hku nna ta masat htu da ai lam n galaw da tim, Ta masat htu da ai Bangladesh mungdan maga de, Rohingya tsinyam ni du nga ai majaw, ICC hku nna ahkayak la lu na ladat ni hpe tam nga ai.

Rohingya ngu ai shingting amying hpe nhkap la ai Myen mung Asuya hte Myen hpyen dap hku nna ICC kawn galaw sa wa na lam ni hpe ja ja ninghkap da ai hpe chye lu ai.

REF: VOA, ICC News
Ja Tawng Naw

LEAVE A REPLY

Please enter your comment!
Please enter your name here