Myauk-U Ninghtawn Na Mare Uphkang Salang 90 Jan Bungli Kawn Pru

0
30

Rahking Mungdaw, Myauk-U ninghtawn a buga 90 daram na, mare uphkang salang ni marai 90 gaw, 2019 ning March shata praw 1 ya shani hta, galaw nga ai amu magam hta nna pru hkring sa sai lam hpe chye lu ai.

February shata 28 ya shani hta, Myauk-U ninghtawn uphkang rung hta galaw ai bawngban hpawng ngut ai hpang, balik ni hku nna Pyang cha, Yan Awng Pyin, Kyawk Se Pyin, Pauk Pin Kwin mare na uphkang salang ni hpe rim mat nna tara masat 17/1 hte tara jeyang da ai lam hte seng nna, buga 103 hta nga ai mare uphkang salang ni March shata 1 ya shani hta bai zuphpawng galaw nna marai 90 gaw pru hkring sa sai.

Rim hkrum ai uphkang mare salang ni gaw AA hte Myen hpyen dap ni majan gasat nga ai Myauk-U muklum a dingdung maga na mare ni rai ai hpe chye lu ai.

Amu pru hkringsa ai laika hta, Mare salang ni hta shimlam n nga ai lam, magam amu hta makawp maga ya ai n nga ai lam, majan hte seng nna uphkang salang ni hpe mara tam wa ai lam ni hte rim hkrum ai uphkang salang ni a lam hta, lahta na Uphkang du ni hpe shana ai lam n nga ai sha galaw mat ai lam ni hte seng nna, sang lang tsun da ai hpe chye lu ai.

2018 ning kawn dai ni na ten du hkra byin hpang wa ai, Rahkaing mungdaw a gasat gala majan ni hpe yu maram jang, Rahkaing amyu sha ni malawng ngu na daram AA a lai ladat hpe aja awa madi shadaw ai hpe mu lu ai.

lai wa sai shata na Rahking rapdaw hta, AA hpe madi shadaw ai lam n galaw na hte seng nna Myen hpyen du ni tang madun wa ai hpe, Rahking rapdaw amat ni yawng ninghkap ai lam galaw wa sai, ndai lang mung uphkang salang 4 hpe rim ai hte seng nna laga yawng 90 jang bai pru ai hpe yu jang, AA a rawt malan masa hta, tsang shagu na mung shawa ni madi shadaw nga ai hte shada myit hkurm ai lam kaba hte shada jawm pawn ba, madi shadaw nga ai hpe sharin la hpa mu mada lu nga ai.

REF: RFA, VOA
Ja Tawng Naw

LEAVE A REPLY

Please enter your comment!
Please enter your name here