Muse Hte Kyawkme Mare Hta Bawm Kapaw

0
74

2018 ning Nov shata 11 ya shani hta, Dingdung Sammung daw Muse hte Kyawkme mare kaw bawm 2 kapaw ai shaloi, Sam num langai hte ma langai si hkala hkrum ai shiga na lu ai.

Sam myu shayi lahkawng madaw cycle jawn wa ai ten, Hkung Nyin mahkrai kaw du ai shaloi bawm kapaw  nna, lahkawng yan hkala hkrum mat ai, dai hta na asak 20 ning daram re ai Lwi Hkam Yin gaw n’ma  hkala sawng ai majaw Kyawkme mung shawa tsirung hta tsi tsi hkam la nga ai ten, shana daw hta asak n’nga mat sai.

Kyawkme mare hta bawm kapaw ai lam gaw, RCSS  Sam rawt malan hpyen hpung hte, TNLA Balawng hpyen hpung ni hkawm sa hkawm wa ai lam re ai majaw gara wuhpung kaw nna galaw ai hpe hkrak n’lu tsun ai ngu, mare salang tsun ai.  Dai mahkrai hta bawm jahkring jahkring kapaw ai majaw, mare masha ni hku nna grai sadi maja let, kan bau amu hte seng nna yi tsun hkau na de n’sa nmai, sa ra ai majaw, grai nga yak taw nga ai lam hpe mung chye lu ai.

 

REF : Shawng lam shiga, BBC News
Ja Tawng Naw

LEAVE A REPLY

Please enter your comment!
Please enter your name here