Mungkan Mungdan Ni Kachin Hte Sam IDPs Lam Hpe N’malap Na Matu UN Shadum

0
68

UN amu madu kaba Antonio Guterres a tsun shaga ahakng lu ai Farenhat hku nna,  bat hpang lagnai ya shani na shi laika sanlang hpawng hta lawu  na hte maren tsun ai lam ni hpe chye lu ai.

“ Myen mung a lam hpe tsun jang,  UN hte seng ai wuhpung wuhpawng ni tsun ai lam gaw,  mung kan mungdan ni hku nna, Rohingya ni hpe myit shang sha let garum ningtum nga ai ten hta,  Jinghpaw mung hte Sam mung na IDPs ni gaw tsang hpa madang de hkrum hkra nga ai majaw,  malap da n’mai nga ai.  Grau nna, 2011 ning kaw nna kalang bai byin hpang wa ai majan a  majaw, majan hprawng yen ai mung masha 170’000 daram yak hkak jam jau nga ai “ ngu tsun ai.

Hpyen yen mung shawa ni gaw, Jinghpaw mung hta,  marai  127’000 jan hte, Sam mung hta marai  39’000 jan nga ai.  Grau nna gaw, Jinghpaw mung hte Sammung hta nga ai  Myen mung Asuya a uphkang ginra hta n’nga ai IDPs ni hpe Myen hpyen dap ni hku nna, garum ningtum ai lam ni hpe n’sha lai shangun ai sha,  pat hkum da ai hpe UN ni matut tsun nga ai.

Dai hta sha n’ga, shinggyim nauna myit rawng ai wuhpung wuhpawng ni rai nga ai  INGO hte UN ni hku nna, Asuya uphkang ai n’pu na IDP dabang de sa lu na matu, ahkang hpyi ai lam hta mung shawoi na hta grau yak ai masa ni byin nga ai hpe UN tsun shaga ahkang lu ai wa hku nna tsun ai hpe chye lu ai.

Dai majaw, Myen hpyen ni hku nna,  Jinghpaw my sha ni grau yak jamjau na matu ladat hkum sup hpa hte galaw nga ai dan dan leng leng mu lu nga ai.

REF: VOA News

Ja Tawng Naw

LEAVE A REPLY

Please enter your comment!
Please enter your name here