Mungkan Madang Du Wa Sai Venezeluar Manghkang

Venezuela mungdan amyu sha rapdaw ningbaw Juan Guaido hpe mungdan a ningbaw hku masat na matu hte ya uphkang nga ai gumsan magam Nicloas Maduro hpe ninghkap na matu American Asuya hku nna laga mungdan ni hpe zinlum nga ai lam hpe chye lu ai.

Venezuela mungdan hta 2018 ning kaw nna, mungdan a sut hpaga lam hten run wa ai lam, mayun kumhpa la ai lam ni, mung masa lam shanut wa ai lam ni a majaw, mungdan kata hta manghkang kaba byin wa sai. Mungdan shawa ni kaga mungdang de hprawng yen ai lam ni grai byin wa sai. Dai lam ni hpe sharai na matu Juan Guaido hku nna ninghkap hpung hpa-awn hku nna tsang hte tsang shakut wa sai.

Opposition demonstrators take part in a protest against Venezuela’s President Nicolas Maduro’s government in Caracas February 12, 2014. One person was killed during standoffs at the end of an anti-government rally in Caracas on Wednesday, witnesses said, escalating the worst bout of unrest in Venezuela since protests against Maduro’s April 2013 election. REUTERS/Carlos Garcia Rawlins (VENEZUELA – Tags: POLITICS CIVIL UNREST) – RTX18P9N

Venezuela hpe uphkang nga ai gumsan magam Nicolas Maduro woi awn ai Ausya hpe ninghkap nna Juan Guaido gaw shi hkum shi pran wan gumsan magam lit hpe mung shawa zuphpawng kaba hta, 2019 ning January shata 23 ya shani ndau shana wa sai.

Venezuela mungdan Caracas muklum hta, Gumsan magam Maduro hpe madi shadaw ai mung shawa hte, pran wan gumsan magam lit hpe ndau la da sai Juan Guaido hpe madi shadaw ai lapran hta, kahtik kahtawk mang hkang byin nga sai.

Venezuela mungdan a makawp maga dap hkringmang Vladimir Padrino Lopez gaw ya uphkang nga ai Nicloas Maduro woi awn ai Asuya hpe madi shadaw ai ngu mani na n’htoi hta tsun shaga wa sai., “ ninghkap hpung ni a galaw ai lam gaw, mungdan a uphkang aya ai hpe kashun la na hku hkyen ai lam sha re.” ngu matut nna shi tsun ai.

Ya na Gumsan Magam Maduro

Galai Shai Ai Hpe Hkapla Ai Mungdan Ni                                  Juan Duaido maga de USA, Britain, France, Canada, Brazil, Argentina, Europa mungdan ni, Columbia hte laga Latin American mungdun ni mung lawm wa nna, mungdan 60 daram madi shadaw wa sai.

Ya na Asuya hpe madi shadaw ai Mungdan ni Ya uphkang nga ai Nicloas Maduro hpe matut nna madi shadaw ai mungdan ni gaw, Russia, China, Bolivia, Cuba, Iran, Turkey hte Syria mungdan ni rai ma ai.

Venezuela kata lam mayak hpe n’lawm na matu, Russia hte Miwa hku nna USA hpe shadut da nga ai.

USA sumtsan salang rung magam gun ni mungdan na gawt shapraw USA hku nna, Juan Duaido maga madi shadaw dat ai majaw, USA sumtsan salang ni yawng hpe hkyinghkum 72 laman mungdan kaw nna pru na matsun jahkrat ai. Raitim, American ni hku nna ya na Gumsan magam ahkang aya hpe masat masa di ya ai lam n’nga sai majaw , Venezuela mungdan kaw nna n’pru na re ngu American sumtsan salang hkringmang Mike Pompey bai tsun nhtang da nga ai.

UN ni tsun shadum Mungkan Wupawng hpung a amu madu kaba Guttres gaw, “ Anhte hku nna, mungdan masha ni hkam sha nga ai lam ni hpe grai tsang ai, sut masa lam yak wa ai majaw, mungdan kata kaw nna mungdan masha law law hprawng yen wa nga sai, anhte myit mada ai gaw lawan hkrumzup bawng ban ai lam re, bawng ban mahtai tam ai marang e, manghkang kaba ni hpe koi yen lu ai, grau nna Dingda American dan hta byin wa na hkindang kaba hpe koi yen lu na re, “ ngu tsun da nga ai.

Dai hpawt na shiga hte maren nga jang, uphkang nga ai Asuya hpe ninghkap n’gun madun ai hta masha marai 26 daram si hkala krum sai hpe chye lu ai.

REF: Aljazeera, VOA

Leave a Reply

Your email address will not be published. Required fields are marked *