Mungdan Nkau Hpe Garum Ai Lam Dawm Kau Na Donald Trump Tsun Jahkrit

0
51

American & Mexico mungdan lamu ga jarik madin kaba kum na hte seng nna, American rapdaw kaw nna n’sha grin ya jang, American & Mexico mungdan jarik pru shang yawng pat kau na hte Honduras, Guatemala hte El Salvodor mungdan ni hpe, garum nga ai lam ni hpe jahkring kau na ngu, Donald Trump hku nna 2018 Dec 28 ya shani hta tsun shama ai hpe chye lu ai.

Dai sha n’ga, mungdan kata de masha pru shang ai tara hpe mung galai kau na hpe shi a twitter kaw nna mung tsun da nga ai. American Asuaya a magam dap nkau mi pat da ra ai 7 ya hpring ai n’htoi hta tsun wa sai.
Trump hku nna gaw lamu ga jarik kum na hpe US$ 5 Billion hpyi shawn da nna, Democrat party ni hku nna gaw jarik shim lam hte seng nna budged hpe shatsaw da ya ai lam ni galaw ya tim, jarik madin kaba kum na hpe gaw tsepkawp myit n’hkrum ai majaw, rapdaw kata hta n’mai jahkrum mat wa nna, Asuya a magam dap nkau mi hkring ra mat ai.

American sut hpaga htinglet rung kaw nna dat kasa langai tsun ai gaw, Mexico lamu ga jarik hpe pat kau jang, mungdan lahkawng hkra machyi na lam nga ai hpe tsun wa sai. Lani mi na mungdan lahkawng a hpaga yamga htinglet ai kaw nna shang ai gumhpraw gaw US$ 1.68 billion daram nga ai hpe chye lu ai.

REF: VOA News
Ja Tawng Naw

LEAVE A REPLY

Please enter your comment!
Please enter your name here