Mungdan Na Hprawng Wa Ai Saudi Arabia Kanau Kana Lahkawng Hong Kong Hta Jahkring Hkrum

2019 ning February shata 21 ya shani hta, Saudi Arabia kanau kanau lahkawng hku nna Australia de jawn na n’bungli hta Hong Kong lit nga ai ni hku nna, n’bung li pa hta jahkring da ai hpe chye lu ai.


Mying galai da ai hkan nau lahkawng, Reem (18 ning) hte Rawan (20 ning) yang gaw , Islamic nawku htung kam sham ai kaw nna pru mat nna, 2018 ning September shata hta Sri Lanka de n’ta masha ni hte hkawm chyai ai kaw nna Hong Kong de hprawng du sa wa sai.


Shan lahkawng hku nna tara kasa Michael Vidler tsun da ai lam hta, lama nna shanhte a mungdan Saudi Arabia de bai wa shangun jang gaw, Islamci nawku htung hpe tawn kau ai lam hte seng nna, si ari hkrum mai ai majaw grai hkrit tsang nga ai ngu, tara kasa hku nna shiga dap ni hpe tsun wa sai.

Lai wa sai shata daram hta sha, Saudi num kasha langai Saudi Arabia mungdan kaw nna hprawng ai hta Thai n’bungli darawn kaw nna Saudi de bai wa sa na hkyen ai shaloi, shi hku nna n’bungli drawn hotel hta chying hka pat nna rawng nga ai lam, mungkan hta mying kaba nna UNHCR ni shanglawm lajang ngut ai hpang, Canada mungdan de bu htawt sit ngut ai hpang, shata mi daram na ai ten daram hta, Saudi Hkawseng shadang Mohammed bin Salman hku nna Asia mungdan de gayin hkawm ai shaloi, Beijing hta du nga ten hta, ndai zawng kalang bai byin wa ai hpe chye lu nga ai. Saudi Arabai mungdan gaw mung kan hta num ma ni a ahkaw ahkang hpe dip sha dik htum mungdan langai rai hpe chye lu nga ai.


Reem hte Rawan yen a tara kasa Michael Vidler hku nna gaw, “ Ndai asak kaji nna, magrau grang ai num kasha yan gaw, hkrit tsang let Hong Kong mundan hta chyat rawng nga ai,” ngu tsun wa sai. Bai nna, shi hku nna, shannau lahkawng yan shim lum ai mung dan de lawan du lu na hpe myit mada nga hpe matut tsun wa sai.

REF: Aljazeera, New Straight Times, CNN

Ja Tawng Naw

Leave a Reply

Your email address will not be published. Required fields are marked *