Mungdan Bai Gawgap Sa Wa Na Lam Hta, USA Hte Taliban Ni Hkrum Ai Lam Lu

Afghanistan mungdan hta, American hte Nato myitrum hpung ni yawng bai htingnut ai lam hte, Afghan lamu ga hta USA hte Nato hpung ni hpe mazup roi rip hpung ni gasat ai lam hpe makawp maga na hte seng nna, kata lam galaw lu na matu, lam woi na machyoi hpung ni hpe hpaw hpang sa wa na hte seng nna, American hte Taliban lapran hta 2019 ning January shata 30 ya shani hta myit hkurm lam lu ai hpe chye lu ai.


Macyoi hte seng ai hpung 2 hku nna, tang madun na lam ni hte seng nna hkyen lajang nga ai hta, du wa na February shata 25 ya shani, Kata mungdan Dohah muklum hta galaw na lahkawng lang na hkrum zup bawngban hpawng hta tang madun na hte seng nna, Taliban ni hpe madi shadaw ra sharawng ai shiga dap Stanikzai kawn tsun shaga wa sai.
Ya na hta grau kaba ai bawngban hpawng ni hpe galaw na matu hkyen nga ai hte, Afghanistan mungdan kaw nna maigan dap ni bai htingnut pru mat wa na matu, dai zuphpawng hta mungdan kaba ni, munghpawm hpung hte Islam nawku htung hpe kam sham ai mungdan a dat kasa ni shang lawm na hpe tsun shaga da nga ai.


Taliban ni maga de nna mung, Afghanistan lamu ga hta, mazup roi rip ai hpung ni hpe shara n’jaw na matu pahkam hkam ra na hku re.
REF: VOA
Ja Tawng Naw

Leave a Reply

Your email address will not be published. Required fields are marked *