Mung Shawa Yawng Myit Hkrum Nga Na Matu Iran Gumsan Magam Rouhani Tsun

0
21

2019 ning May shata 11 ya shani hta, Iran gumsan magam Hasan Rouhani hku n’na, American hku n’na, galaw sa wa na sut hpaga pat shingdang ai lam hpe dang manga na matu garan nga ai Iran mung masa hpung ni yawng myit hkrum na matu hte, US a sut hpaga pat shingdang ai lam gaw, lai wa sai 1980 ning shaloi kaw nna Iraq hte byin ai majan hta grau yak chye ai lam, tsun ai hpe chye lu ai.

“ Dai ni na ten gaw 1980 – 88 shaloi na Iraq hte byin ai majan masa hte grau kaja na ( sh ) grau sawng na hpe n lu tsun ai, dai shaloi na majan ten hta, anhte hta gumhpraw dum hte seng ai, wan sau dut ai hte seng ai, gun rai hpaga lam hte seng nna, mang hkang yak ai lam ni n byin ai, laknak mari na matu sha pat shingdang hkrum ai..,” ngu Iran mungdan madu ai shiga dap IRNA hku nna Gumsan magam Rouhani tsun ai ga hpe bai mahta la n’na tsun wa sai.

“ N dai lang hpyen ni jaw ai gamyet n’gun gaw, anhte a Islamic rawt malan labau hta n hkrum ga ai lam langai rai wa sai, raitimung ngai muit n daw ai, anhte ni yawng myit hkrum nga jang ndai mayak hpe lai di lu na hpe, myit kaba hte kam ai, “ ngu Rouhani hku nna tsun wa sai.

Ndai zawn hpyen n gun kaba hte anhte hpe myit n’gun lang let myit masa majan gasat hpang sai ngu Rouhani hku nna matut tsun wa sai.

USS Abraham Lincoln Sanghpaw

American mungdan hku nna, Iran mungdan a Nuclear laknak hte seng nna jahkrit shama ai hpe, ninghkap hpang na matu, Patriot pila pyen ni mai gap jahkrat ai hte, hkrang de lung ai kaw mai lang ai USS Arlington hpyen sang hpaw kaba hpe May shata 11 shani hta, Sinpraw ka-ang ginra de matut nna bai sa dat ai sai.

Hpyen gasat n’bungli mara mai ai USS Abraham Lincoln Sanghpaw hte rau B-52 bawm jahkrat ai n’bungli ni Sinpraw ka-ang de du ngut ai hpang, lani mi din ai hte, USS Arlington Sanghpaw kaba ni hpe bai sa dat sai.

USS Arlington Sanghpaw

American hte American a akyu ara ni hpe gasat wa ai shaloi, htap htuk ai hte bai n’htang galaw na hpe Iran hku n’na, chyena na matu ahkyak ai hpe American makawp maga dap a hkringmang Patrick Shanahan hku nna bat hpang 6 ya shani hta tsun wa sai.

American hte Iran mungdan yen gaw, May shata 8 ya shani hta Nuclear laknak dawm na hte seng nna, shada myit hkrum ai lam n mai lu mat ai hpang, American hku nna, Iran a sut hpaga lam yawng hpe pat shingdang kau na ngu tsun wa sai.

Iran hku n’na gaw, Nuclear laknak galaw shapraw ai hta lang ai Uranium jasan ai lam ni hpe matut galaw mat na hpe tsun wa sai. Dai hpang USA ni hku nna nbung li mara ai sanghpaw kaba ni hpe Sinpraw ka-ang ginra de dat nga ai hpe chye lu ai.

REF: Aljazeera, BBC, Star
Ja Tawng Naw

LEAVE A REPLY

Please enter your comment!
Please enter your name here