Miwa Hpyen Dap Ni Pala Si Hte Hpyen Majan Gasat Shaman ai Ndau Shiga

Jinghpaw mung hte Miwa ga jarik nga ai myu shani sadi lu na matu kalang bai shana dat nngai.

7.11.2018 ya shani kaw na miwa hpyen la ni sinat gap shaman ai lam galaw na re majaw Pa Jau hte Laiza jarit mayan miwa hkram de n’rap na, nam wam hkawm ai lam n’galaw ya na matu Miwa asuya ni tsun wa ai.

Lai wa sai ten hta Ndau shana da ai lam hpe mung bai kahtap shana dat nngai.

Shawa masha ni: 

Hpyen dap ni a hpyen shaman yaw shada ai hta, Miwa mung mungdan makawp hpyen Dingda maga hpyen dap na hpyendap ni  shata 10 nhtoi 30 ya kaw nna shata 11 praw 2 du hkra Yinkyang ginwang Htungbyikawn ginwang daw kata Nawnghkai pyin bum, Kya sa Ge htang bum, Maru gaji, Jungshan bum mayan re ni hta pala si gaja hte nan hpyen shaman na hku re.

Ndai hpyen shaman ai ten laman hta,

■ hkawm wa hkawm sa mawdaw hte hkawm wa hkawm sa masha ni yaw gaw lam hte seng ang ai ni, hkang ai hku madat mara ra na.

■ Maru gaji hte Mawshui hka mayan hpyen shaman ginra re, hpyen shaman ginra na mung mare masha ni gaw ginra asuya hte  hpyen shaman ai hpyen hpung ni ka hkang ai lam hku madat mara sa wa na,

■ shata 10 htoi 31 ya shana de hkying 6 kaw nna gaw ndai ginra hkan na mung mare shawa masha ni ginra kaw nna tsun da ai shara de htawt mat wa nhtawm,

■ seng ang ai ni a ahkaw ahkang n lu yang ndai hpyen shaman ginra de gadai n lu n htang shang hkawm na,

■ hpyen shaman ngut kre ai ten hpe laksan kaga bai gayin shana na, mungchying shawa daw tsa hpe ndai zawn mayak manghkang ni jaw ai hpe grai tawk ban ai.

 

Yinkyang Ginwangdaw Htungbyikawn asuya rung.

  1. 10 31

 

REF: Shawng Lam shiga

M Brang Aung

Leave a Reply

Your email address will not be published. Required fields are marked *