Miwa Dat Kasa Kaba Ni Laiza Muk Lum Hta KIO Ningbaw Ni Hte Hkrum

0
70

2019 Ning January shata praw 11 ya shani hta, Miwa Asuya a Asia-Pacific Laksan dat kasa kaba Mr. Sun Guo Xiang hte Yunnan mung daw shawa shim lam dap lit hkam Mr. Guo Bau woi awn ai hpung ni hte, Jinghku myitrum dingdun rawt malan hpung kaw nna, KIO, AA, TNLA hte MNDAA a ningbaw kaba ni hte laksan hkrum shaga bawngban ai lam hpe chye lu ai.

Miwa Asuya a dat kasa Mr. Sun Guo Xiang hpung ni hpe, KIO Du salang ni, Laiza Muklum mung shawa ni hkap tau la nna, KIO Du kaba ni hte Padang Hkrunlam majan masing woi awn rung kaw laksan hkkurm zup ai lam chye lu ai.

Hkrumzup hpawng hta, Miwa dat kasa ni hku nna lawu na hte mren n’gun jaw gat sun ai:
● Miwa myu sha ni a shaning ningnan galai ai aten du wa ai majaw sa jahkrum ai lam
● Myen mung simsa lam hte, Miwa mung jarit mayan simsa lam hta n’gun dat bawng ban na lam
● Simsa lam bawngban ai hta kalang, lahkawng lanat hte sha n’mai lu ai lam
● Bawng ban ai hta dut dang yak hkak ai lam law law hkurm mai ai lam
● Myit galu kaba hte bawng ban ra ai lam ni hpe tsun n’gun jaw wa sai.

Matut nna KIO Ting Nyang Up Du Daju Jum Nban La kaw nna, ra ai lam ni hpe tang madun bawngban ai lam galaw ai hpe chye lu ai.

REF: Shawng Lam Shi Sawk
Ja Tawng Naw

LEAVE A REPLY

Please enter your comment!
Please enter your name here