Miwa CPI Company Kawn Jinghpaw Mung Rapdaw Hta Hkaw Tsun Ai lam Hpe Ninghkap Ndau Laika Shapraw

0
16

2019 ning June shata praw  7 ya shani hta, Malai hka dam galaw ai Miwa CPI company kaw n’na hpaji ninghkrin ni hku marai 4 hku n’na Jinghpaw mung rapdaw hta, “ Dam & Safety “ ngu ai “ Hka madim hte shim lam” ngu ai ga baw hte  wa tsun sang lang ai hta, Mali hka madim gap ai hte seng n’na nnang nawn ai lam hpe tsang shara n nga ai hku hkaw tsun wa ai hpe, Mali hka madim masing tsep kawp pat kau na mungdan ting hkrindun hpung kaw n’na June shata  24 ya shani hta ndau laika masat ( 2 ) hpe ndau  shapraw ai hpe chye lu ai.

Ndau laika hta, lawng lam 5 lawm ai:

  1. Mung shawa malawng maga Mali hka madim hpe tsep kawp dawm kau na matu hpyi lajin nga ai
  2. Mung shawa a mae hte Asuya tai wa ai ni hku n’na, mung shawa ni  ra sharawng ai lam hpe hpe ahkyak tawn da n’na, mung shawa myit ra ai hte maren tsep kawp pat kau ya na.
  3. June 7 ya shani, Myikyina Rapdaw hta CPI company kawn tsun shaga ai, nnang nawn ai lam lam nbyin na ngu ai lam gaw, mungdan a awmdawm daru magam hpe hkra machyi hkra galaw ai lam tai wa sai.
  4. Asuya hku n’na, CPI company hpe rapdaw hta tsun shaga ahkang jaw ai hpe tsep kawp ninghkap ai.
  5. Lahta na mabyin hpe ahkang jaw ai ni hpe grai laja ai hku ninghkap ai, hpang de nbyin na matu shadum dat ai lam ni lawm ai hpe chye lu ai.

REF:  Shawng lam shi sawk

Ja Tawng Naw

LEAVE A REPLY

Please enter your comment!
Please enter your name here