Miwa Asuya A Prat N’nan Lai Ri Lam Awng Dang Na Hpe Min Awng Hlaing Tsun Shaga

0
51

2019 ning April shata 10 ya shani hta Miwa mung gumsan magam Mr. Xi Jinping hte Myen hpyen dap Dap awn daju Du daju Min Awng Hlaing hte hkrumzup bawngban hpawng hpe Miwa mungdan Beijing muklum kaba hta galaw wa ai shaloi, Min Awng Hlaing hku nna, Miwa Asuya ni woi awn galaw nga ai prat n’nan lai rai lam masing kaba awng dang na hpe kam ai ngu nna tsun shaga wa sai hpe chye lu ai.

Dai prat n’nan lai ri lam masing kaba hpe galaw lajang wa ai shaloi, awng dang na matu Myen hpyen dap hku nna rau jawm ta gindun galaw shang lawm mat na hpe, Min Awng Hlaing hku nna matut nna tsun wa sai.

Miwa Gumsan Magam Mr. Xi Jinping hte hkrum shaga ai shaloi, Myen mung simsa lam hte seng nna lajang nga ai lam, lamu ga jarit simsa ngwi pyaw lam ni hte, Miwa hte Myen hpyen dap ni jawm galaw sa mat na lamang ni hte seng nna bawng ban wa sai.

Miwa mung a part n’nan lai ri hka lam hte seng nna, Myen mung gaw Bengal panglai hka shang lam madung rai nga n’na, sinpraw ka-ang Mediterranean panglai kaw hka lam hte matut mahkai wa ai rai jang, Asia, Africa, Europe mungdan, Middle East ni hte hpaga lam kaba tai wa na masing kaba rai wa na lam nga ai. Dai masing hta, hkrang leng lam, maw daw lam, dawlawng hku, Panglai sanghpaw daru kaba ni gaw shachyaw wa na masing ni lawm ai.

Hkyeng ai nsam – Lai ri lam dingda
Lamu sit Nsam – prat n’nan Lai ri hka sanghpaw lam

Myen mung kata hta, Sam mung, Mandalay Ginwang kaba, Magwi Ginwang kaba hte Rahkaing mung daw ni hpe rap nna, Gas hkai lawng lam masing gaw shangut la lu nna, matut nna hkrang leng lam kaba hpe Miwa mung hte matut mahkai lu na matu, masing hku nna galaw hpang wa sai.

Min Awng Hlaing hku nna, Miwa Gumsan magam hte hkrum ai lam gaw ndai lang hte rai jang 5 lang rai sai hpe mung chye lu ai.

REF: VOA
Ja Tawng Naw

LEAVE A REPLY

Please enter your comment!
Please enter your name here