Mawdaw Lam Baw Ai Kawn Myen Hpyen Dap Hte KNU Gasat Gala Byin

0
61

2019 ning January shata 17 shani ka-ang daram ten hta, Bawsehko-Loimu palaw lam htu ai, ga htu jak hpe shimlam jaw nga ai Myen hpyen hpyen hpung hpe, KNU Dap Ba 5 npu na dap lahkying langai a hpen ma marai 4 wa gap ai lam byin ai lam chye lu ai.

Hpang shani, January 18 ya shani hta mung, Bawsehko mare a sinpraw maga deng 3 daram san ai hta, KNU ni hkam da ai mawdaw hkam bawm kapaw ai hte kalang ta, KNU hpyen n’gun marai 20 daram wa gap ai majaw, Myen hpen la marai 1 si hkala hkrum ai lam hpe, Myen hpyen shiga dap kawn shiga shana shabra da ai.

Ndai lam hte seng nna, KNU Dap Ba 5 a tsun shaga ahkang lu ai Dukaba Saw Kale Doh hku nna gaw, “ Gap hkat jahkring ten hta, shanhte nga na shara hte, hkawm sa na shara ni hpe masat da chyalu re, dai hta jan n’na hkawm sa wa jang gaw, majan gasat ai lam ni byin wa ai,” ngu tsun da nga ai.

2018 ning kaw nna, Myen hpyen dap hte KNU Dap Ba 5, 6, 2 ni hte majan gasat ai lam byin ai. Grau nna Dap Ba 5 gaw, Myen hpyen ni maw daw lam galaw sa wa ai hte seng nna, aja awa ninghkap tsun shaga ai Dap ba lagnai rai nga ai.

Myen Asuya hte KNU ni gaw 2012 ning hta gaphkat jahkring ai myit hkrum ga sadi la da nna, 2015 ning hta NCA ta masat htu da sai wuhpung langai re hpe tang madun dat ai.

REF: KIC, VOA
Ja Tawng Naw

LEAVE A REPLY

Please enter your comment!
Please enter your name here