Masing Masa Hte Hkrak Sat Ai Lam hpe Dap-awn Daju Min Awng Hlaing Ningdang

0
63

2019 ning February shata 14 ya shani hta, Myen hpyen dap Dap-awn Daju Du Daju Min Awng Hlaing hte Japan Shiga dap Asahi Shimbun ni laksan hkrum shaga ai shaloi, Rohingya ni hpe amyu shamyit ai hku masing masa hte hkrak, sat nat ai lam hpe, Mungkan kaw nna mara shagun wa ai lam gaw, shut shai taw nna, sakse ni n’nga ai sha, tsun shaga mara shagun nga ai majaw, Myen mungdan hpe sari jahpoi hkra galaw ai lam re ai hpe Min Awng Hlaing hku nna tsun shaga wa ai hpe chye lu ai.

Myen shim lam dap ni hku nna, Rohingya num ma ni hpe roi rip, sat nat kau ai ngu ai shinggyim ahkaw ahkang hpe tawt lai wa ai lam hte seng nna, tsinyam tai ai ni tsun shaga wa ai shaloi, mabyin ni yawng maren mara rai nga ai majaw, marai langai ngai hku nna sharin da ya ai ngu mu mada ai ngu tsun wa sai (sh) dai tsinyam ni Bangladesh de hprawng mat wa ai gaw, shanhte hte bung ai jinghku ni hte rau nga mayu ai, ( sh ) laga mungdan ni de pru hkawm sa mayu ai majaw mai byin ai ngu matut tsun ai.

Raitimung, shinggyim ahkaw ahkang tawt lai ai lam hta, Myen shim lam dap nkau mi shang lawm ai hpe gaw, shi hku nna yin la tsun shaga wa sai. Dai lam ni hte seng nna, ICC ( Mungkan Tara Rung ) hta tara jeyang hkrum na hte seng nna, Myen mungdan awm dawm daru magam hpe jahkrit shaman ai, hkra machyi wa ai gara matsun hpe rai tim, hkap la lu na n’re ngu tsun wa sai.

Myen shim lam dap ni hku nna, Shinggyim ahkaw ahkang hpe tawt lai let galaw wa ai ngu mara shagun ai lam pru wa shagu, Myen hpyen dap kawn sak se n nga ai sha majoi mara shagun ai ngu, law law lang ningdang kau ai hpe chye lu nga ai.

REF: Channel News Asia, RFA
Ja Tawng Naw

LEAVE A REPLY

Please enter your comment!
Please enter your name here