Masha 373 Si Hkala hkrum Wa Sai Indonesia Tsunami

0
65

2018 ning December shata 24 ya shani hta, Indonesia lit nga ai ni hku nna, lai wa sai kru ya shana hta byin ai Wam bum kapaw nna, Tsunami hkaleng kaba ka-up wa ai majaw masha marai 373 si hkala hkrum nna, marai 1,400 jan gaw machyi hkra ai lam hpe, tara shang ndau tsun shana wa sai.

“ marai 1,459 daram gaw machyi hkra ai hte, marai 128 gaw matut nna naw mat nga ai,” ngu Indonesia a Shingra tara tsinyam tsindam lakawn hpung a tsun shaga ahkang lu ai Sutopo Pruwo Nugroho hku nna tsun wa sai.

Lai wa sai kru ya, shana aten hta Indonesia a Ana Krakatoa wan bum kapaw nna, panglai hka gyip lam de Tsunami hkaleng kaba du wa ai shaloi, Tsunami tau nna shadum ai jak n’sen n’ngoi ai sha, dum n’ta, hotel hte laga htingtsip ni hpe jahten kau ai lam byin ai.

Seng ang ai ni jep sagawn yu jang, Tsunami shadum ai jak arai hta ra ai hpe chye lu ai.

Indonesia gumsan magam Joko Widodo hku nna, 2019 ning January shata praw kaw nna, Tsunami tau hkrau shadum ai jak ni yawng hpe, ningnan galai na matu tsun ai hpe chye lu ai.

REF: Aljazeera news
Ja Tawng Naw

LEAVE A REPLY

Please enter your comment!
Please enter your name here