Marai 42 Si Hkala Hkrum Sai California Sharaw Wan

California Sharaw wan hkru ai hta marai 42 si hkala mat sai.

American  labau hta sharaw wan hkru si ai gaw ndai daram sawng ai grai n’nga shi ai.
Sharaw wan hkru ai hta, marai 228 mung naw mat taw nga ai, dai hta n’ga mung mare masha 300’000 jan mung tinang nga ai shara kaw nna  yen ra nga ai hpe che lu nga ai.

Donald Trump hku nna, California Sharaw wan hkru ai hpe Ra ahkyak ai tsin’yam tsindam hkrum sai ngu ai masat ndau ai hpe myit hkrum ya ai lam, shi a twitter hta ka da nga ai, bai nna, hkrum sha nga ai  mare masha yawng hpe ra ai lam ni hpe lawan ladan garum na matu Federal Asuya kaw nna, garum sa wa na lam hpe mung tsun da nga ai.

California Sinna daw, Camp shara hta 117,000 Eka wan hkru lawm mat wa ai, Woolsey shara hta gaw 90,000 Eka hkru mat wa nna, Hill shara hta gaw 4,500 Eka hkru lawm mat sai hpe chye lu ai .

REF: ABC news, CNN

Ja Tawng Naw

Leave a Reply

Your email address will not be published. Required fields are marked *