Manu Dan Matsing Hpa Ga Ni Hpe Dr. Mathir Africa Conference Hta Tsun Shaga

0
20

Dr. Mahathir Mohammad Hku nna 2019 ning January shata praw 17 ya shani hta, Bernama Mungdan Dakar kawn galaw ai Africa bawng ban hpawng hta, aten kadun laman Mungdan uphkang ai lam hte bawngring galu kaba ai hte seng nna, manu dan matsing hpa ni hpe, tsun n’gun jaw ai lam hpe chye lu ai.

Malaysia Hkringmang daju Dr. Mahathir gaw, Masum lang na Ra ahkyak Africa Mungkan mungdan zuphpawng ( Third International Conference on the Emergence of Africa ) hta galu kaba ai mungdan hpe gara hku gawgap sa wa na hte seng nna, Malaysia mungdan a mahkrum madup lam ni hpe hpe grai myit raw ai hku nna garan kachyan tsun dan wa sai.

Lawu na ga ni gaw, Dr. Mahathir tsun da ai kaw nna nkau mi hpe tang madun dat ai.

Kaga Mungdan Ni Hpe Hkaja Ra Ai
“ Mungdan bawngring galu kaba wa na hte seng nna, laga galu kaba ngut sai mungdan ni hpe hka ja ra ai, Malaysia mungdan hku nna mung, “ Sinpraw de mada yu ai hkrang tara ( Look east policy)” hte maren, Japan, South Korea, China mungdan ni a bawngring galu kaba ai lam ni hpe hka ja wa sai. Dai hte maren Europa mungdan a lai masa lam ni hpe mung hkaja ga wa sai”.

Tinang hte htaphtuk ai masa lam hpe chye tam ra ai
“ Bawngring galu kaba wa na masa lam hta, ahkyak htum ai gaw, tinang hte htaphtuk manu ai lai ladat hpe len la nna galaw ai lam re,”

Dinghkrai sut masa hpe sharawt ra ai
Dinghkrai sut masa lam hte seng nna, Asuya hte dinghkrai sut masa ni jawm gindun nna galaw wa ai shaloi, Malaysia mungdan gaw grai lawan ai hku nna bawngring galu kaba wa ai hpe matut tsun ai.

“ Dinghkrai sut masa ni hte Asuaya ni jawm galaw ai lam gaw shut ai lam n’re, Asuya hku nna dinghkrai sut masa lam hpe ngang grin galu kaba wa hkra garum dat ai majaw, shanhte hku nna gumhpraw amyat law law lu galaw ai, dai kaw nna nkau gumpraw gaw Asuya de bai shang wa ai,”

Kaja ai hku uphkang ai Asuya tai ra ai
Sut masa bawngring galu kaba na matu ra ahkyak htum gaw, mungdan nang kang ai lam hte kaja ai hku uphkang na ahkyak madung re ngu nna hpawng hpaw lamang hta video shiga hku, tsun wa sai lam hpe chye lu ai.

Dr. Mahathir gaw Malaysia mungdan hpe 22 ning hkringmang daju hku nna woi awn wa nna 2003 ning hta hkring sai. Mungdan hta ra wa ai lam ni a majaw 2018 ning ra lata poi hta Pakatan Harapan Galung hpung hku nna shang shinjawng wa ai shaloi, mae dang nna hkringmang daju hku mungdan hpe woi awn nga ai.

Malaysia Mungdan a sut masa gaw, Sinpra Dingda Asia mungdan ni hta numbat masum madang hta tsap nga nna, Mungkan ting hta gaw 38 shara hta tsap nga ai mungdan langai re.


REF: Star News, Wikipedia
Ja Tawng Naw

LEAVE A REPLY

Please enter your comment!
Please enter your name here