Manghkang Kaba Byin Hkyen Wa Sai Mali Hka Madim

0
72

2019 ning January shata praw 13 ya shani hta, Laiwa sai Dec 29 ya shani hta Miwa sumtsan salang rung a hkringmang Mr. Hong Liang hku nna Jinghpaw mung, Myitkyina muklum hta Jinghpaw mung masa party ni, KBC ningbaw ni hte hkurm ai lam hpe ndau laika shapraw ai hpe chye lu ai.
Dai lai ka hta Jinghpaw mung hte seng nna masa lam law law lawm ai rai tim, Mali hka madim hte seng nna gaw lawu na hte maren mu lu ai:

● Jinghpaw mung kaw nga aishawa masha ni hku nna, mali hka madim gaw gap ai hte seng nna ninghkap ai lam n’nga ai
● Mali hka madim masing hpe ninghkap nga ai gaw, Maigan mung na wuhpung wuhpawng ni re ai lam hpe, Jinghpaw mung a mung masa party ni hte makam masha hpung ni tsun ai.
● Miwa sumtsan salang Mr. Hong Liang hku nna, Jinghpaw mung a Mung masa party ni makam masham wuhpung wuhpawng ni hku nna, Mali hka madim masing hpe ninghkap ai lam n’galaw ai hpe kabu arawng la ai lam tsun da nna, dai lam ni hpe Myen Asuya de bai tang madun na lam ni lawm hpe chye lu ai.

Dai Miwa sumtsan salang a ndau laika hte seng nna, Seng ang ai ni hku nna, tsun jahpra da ai lam ni gaw:

Kachin Party Ni
◊ KDP, Jinghpaw party ni hku nna gaw, Mali hka madin hte seng nna tsep kawp tsun shaga ai lam n’nga ai hpe Dr Manam Tu Ja hku nna tsun ai. Dai sha n’ga laika masat 1/2019 hte Mali hka madim hpe htani htana hkring na matu 2019 ning January shata praw 14 ya shani hta ndau laika shapraw da sai.

KBC Ningbaw
◊ KBC ningbaw Dr Hkalam Samson hku nna gaw, Jinghpaw mung shawa ni hku nna, Hka madim daw hten wa jang, asak shim lam hkra wa na hpe tsang nga ai lam hte, lawu mung na Myen ni gaw hkai ram ai lam ni hten za wa na hpe tsang nga ai lam ni hpe tsun bawngban wa sai.


“ ngai hku nna gaw, hpung masha ni, buga hpung ningbaw ni hte hkurm ngut jang she, tsun shaga lu ai, ngai na myit hkrai gaw n’mai ai ngu ai hpe,” Dr. Hkalam Samson hku nna Miwa sumtsang salang hpe tsun da ai hpe chye lu ai.

Lisu Party ( LNDP )
◊ Lisu Amyu sha Rawt Jat galu kaba Party (LNDP) ningbaw Shwe Min hte Miwa sumtsan salang ni tsun shaga da ai kata lam hpe gaw nchye lu tim, Shwe Min hpe KNG media ni san da ai shaloi, shi hku nna lawu na hte maren htai da ai hpe chye lu ai.

“ Mali hka madim hte seng nna, Asuya woi awn galaw ai hku myit hkrum hkan nang na re, Mung shawa ni ra lata san da ai Awng San Suu Kyi woi awn ai Asuya re ai majaw, lam shagu hta mung shawa a myi man hpe yu na re, mung shawa akyu ara nga na hte mungdan akyu ara nga na lam ni rai jang, anhte hku nna ninghkap na lam gaw n’nga ai. Rai timung anhte ni mung zuphawng naw galaw ra ai, masa gaw Myen mung asuya woi awn galaw ai hpe hkan na re,” ngu tsun da nga ai.

Awng San Suu Kyi A Ningmu

Miwa sumtsan salang gaw, “ Mali hka madim masing hte seng nna, Awng San Suu Kyi gaw myit galai shai ai lam ni nga wa sai majaw, KBC hku nna mung myit galai shai ai lam hpe Asuya maga de laika ka na lam hpe matsun ai lam chye lu ai.

Dai has n’ga 2019 ning January praw 10 ya shana, Jinghpaw mung daw n’htoi shana shat sha poi hta, Dr. Hkalam Somson hku nna Awng San Suu Kyi hpe, Mali hka madim hte seng nna, Miwa mung dan ni shadut wa ai lam hpe tsun ai shaloi, Awng San Suu Kyi gaw “ re i “ ngu sha bai nhtang tsun ai hpe Sara kaba tsun wa sai.

Masa lam ni hpe yu jang, Awng San Suu Kyi hku nna gaw, Mali hka madim hte seng nna, mungdan ting hpe tsun shaga da ai lam ni grai n’nga shi ai, Miwa gaw Mali hka madim hpe, nbyin byin hkra galaw na matu ladat hkum sum hpa lang nga ai hpe maram mu lu nga sai.

REF: Irrawaddy, Shawng lawm shi sawk, KNG

Ja Tawng Naw

LEAVE A REPLY

Please enter your comment!
Please enter your name here