Mali Hka Madim Hte Seng Nna N’gup Pat Nga Ai Myen NLD Asuya

Ndai laman hta Miwa maigan mung hkringmang ni Mali hka madim hte seng nna bai dip n’gun galaw wa ai shaloi, NLD Asuya gaw hpa mung tsun shaga ai lam n’nga ai sha zim nga ai hpe mu lu nga ai.

Mali hka madim hte seng nna NLD Asuya galaw ai lam ni hpe bai maram yu jang,

● Mali hka madim masing hte seng nna sawk sagawn komishin hpung hpe 2016 ning August shata 12 ya shani hta Myen mung gumsan magam U Htin Kyaw lakhtak hta hpaw hpang wa sai.

● Komishin a sumtang hpe 2016 ning November shata 11 ya shani hta jahtum tawn nna tang madun ra ai.

● Komishin hku nna sawk sagawn ai lam ni hpe, atsawm galaw ai raitim, lit nga ai ni gaw, matut galaw mai na, n’galaw mai na hte seng nna kata lam hpe ya aten du hkra tsun shapraw shana ai lam grai n’nga shi ai.

“ Mali hka madim hte seng nna, Asuya gaw brang lang ai lam n’nga ai, komishin malawm ni pyi komishin sumtang hpe ra ai hku n’mai hti ai, English ga hku ka da lam ni grai law ai, shinggan de n’mai la sa ai, saboi ntsa kaw sha mai hti ai, kanan n’mai galaw ai, n’ta kaw hti na n’mai la mat wa ai, kaning rai hpaji jaw na ni hpe mung grai n’lu galaw shi ai. Dai masa ni hpe yu jang, lahta na matsun hte maren ka ra na hku ang wa nga ai, ” ngu mying ntsun ai komishin malawm langai mi gaw sumtang hte seng nna tsun wa sai.

Mung shawa ni ninghkap wa ai majaw, 2011 ning September shata 30 ya shani hta Myen mung gumsan magam U Thein Sein lakhtak shaloi, Mali hka madim masing hpe 5 ning jahkring ai lam hpe galaw wa sai. Mung shawa ni ra lata tang da ai NLD Asuya a aten hta, Mali hka madim hpe tsep kawp jahkring kau na hpe mung shawa ni hku nna, myit mada, ra sharawng nga ma ai.

REF: RFA, DBV
Ja Tawng Naw

Leave a Reply

Your email address will not be published. Required fields are marked *